特別明謝

很開心昨天收到各位的祝福呀！多謝多謝！由其是有ｄ係我一訓醒就見到歌ｄ呀，好Sweet呀！

很多已經好耐冇見既朋友仔都記得我既生日呀，我實在太幸福啦！老套咁講：遙遠的拒距離但係親密既感覺（雖然好肉麻，咁我真係咁覺得先咁講既）

以下係我要明謝既致愛（好以扮獎典禮咁，排名不分先後呀）：

Kirs　－　記住你年年叫我高佬兼祝一年高過一年我高佬，但係咁多年都冇高過．．．
Eva　－　多謝SMS個蛋榚比我，冇得食，有得睇都好
Snoopy　－　記住呀，我既生日願望係同你一樣架，唔好以為係假呀！
Arthur　－　你舊年好似冇打比我喎，不過今年補番數啦！
Sam　－　舊年我第一個收你既SMS，但係今年最後先收你嗰個喎．．．下年早ｄ呀！
Lam　－　多謝你個SMS啦，不過有禮物就更好啦！
Bonnie　－　多謝你個SMS啦，不過有禮物就更好啦！
蟲蟲　－　我諗我既生日都係你提呀譚生架啦，同埋你應該係比我更早知份禮物係乜啦！
Teresa　－　多謝你餐飯呀，買到禮物要claim錢呀！
Winton　－　雖然你有不良記錄（上次放飛機），但係見你咁有心，原諒你啦．．．haha!
Iris　－　多謝你餐飯同埋犧牲左一晚陪呀濤既時間陪我食蛋糕啦！
Eddie －　咁你都記得，真老友喎，多謝多謝！
Pat　－　你話過買野比虾仔架，大人講野冇得反口架！

1月23日

今日話晒都係我既大日子，緊係想嘆吓啦，所以就請日假，休息休息，起碼唔洗咁早起身先啦！

很快就做人呀媽既我，今日一起身就掛係我自己個呀媽，因為我覺得XX年前既今日，我既媽媽都好辛苦咁生左我出黎，雖然佢咁辛苦，但我相信佢都會係好開心既．．．所以，以後既今日，我都會對媽媽說一句：我很愛你！（只係有勇氣係心裏面講，講出黎可能嚇壞佢添呀）

咁虾仔daddy都請左日假陪我，我地一起身己經係十一點幾囉，約埋我呀媽一齊去銅鑼灣食餐晏仔啦，結果去左元氣食壽司，食飽佢就走左囉，而我地行左一陣就返左柴灣．虾爹例牌要訓個晏教啦，咁我無無聊聊就係到整左兩大盆蘿蔔榚．





而晚餐呢就係屋企整西餐，有我最喜歡既Caesar沙津、虾爹最愛既西冷牛排、同埋對虾仔好有益既蕃茄魚湯．．．中西合壁．．．哈哈哈，最後仲有我既生日蛋糕做甜品添．．．（又重多兩磅）

有"樓"係手

話說呀虾仔daddy成日都唔鍾意同d同事食午飯，但唔知點解ｄ同事成日約佢啦，咁今日有個同事落左中環做野，想搵埋佢食餐晏仔姐．．．佢又講大話喎，話自己唔係中環（其實就身處天星水輪附近）．

講完大話緊係會心虛架啦．．．點知就一路行一路望住後面，睇下自己個同事有冇發現自己．
點知，行行下．．．成個人一片空白（佢話好以上左天堂咁喎．．．成日講大話應該係落地獄喎），退後左幾步，暈左一暈咁喎．

完來係撞到條大石柱，回一回魄之後ｄ鼻血就好以開左水喉咁，咇咇啤啤咁流．．．歌個時候應該好狼狽啦，又頭暈又要搵紙巾又怕比人笑．．．哈哈哈！肯定好攪笑個情況．最後搵個廁所盆點下有咩損傷，發覺個額頭有個大瘤，個鼻仲損左三忽．．．乜唔係lee D咁既野只係發生係小朋友身上既咩？？不過都係怪佢講大話之過啦．．．

寒冷天氣警報

毛神神又發出寒冷天氣警報，由成廿度跌到得十幾度，想唔病都唔得啦，我已經醒目架啦，著到成得糉咁架啦，但係今日要去覆診又要去VTC報名考試，返公司的時候又落雨喎，可能太趕啦，而家個頭鬼咁死痛，個肚又好似唔係咁舒服咁．唉！仲週身骨痛添．

今日係政府醫院做例行產檢，做埋結構測試，大致上都係健康同正常，醫生話個鼻仔同埋嘴仔好靚喎，我睇極都睇唔到點靚法，個畫面唔係黑就白，都唔知佢既靚既意思係乜？

不過有個唔係既消息啦，都唔記得醫生話呀虾仔邊面個腎有ｄ大喎，兩個月後要返黎覆診喎；係目前既情況我地係做唔到ｄ乜架，嚴重的話要虾仔出黎先見兒科醫生囉或者要做手術．咁既然我乜都做唔到，唯有開朗ｄ啦，反正担心都冇用．

細又有事，大又有事，醫生話我呀．．．重得太快呀（過肥！！）仲有小小血糖高添呀（可能係食得太多生果掛），以我現時既食量其實都唔係好勁姐，不嬲我都係咁食架啦，點解會咁既呢？

我而家已經開始口腫面腫既感覺啦，同埋成隻企鵝咁呀．．．好恐怖呢！

旭下旭下

起初諗住復大便便，假期實無節目啦，點知都係玩到筋疲力盡，半夜先訓，中午先起身，無啖好食；唉，虾仔：辛苦你了！

應該係坐係屋企睇緊叱咜既時候，特然之間，感覺到個肚裏面有ｄ野係到旭下旭下喎，好得意架，真係好難形容，我知一定係虾你踢我啦！咁我初下初下佢，佢又再旭下，好以有互動的感覺呀，真係奇妙啦！

自從我感覺到佢既存在，我都好在乎佢囉，我唔會再食生野啦，飲少左好多凍野啦，食多左好多對佢有益但我好唔鍾意食既野啦．．．又學人聽下音樂啦，不過唔好意思呀虾仔，呀媽通常聽到唔夠一分鐘就訓著左，你自己執生，自己樹起耳仔聽啦；又玩下網上教歌ｄ胎教啦，唉．．．總之就多多野攪啦！

唔知虾仔係咪好以個公仔咁係到多多動作呢?

不經不覺已經過左聖誕及元旦囉

有係屋企大食會，食自家制既足料盆菜啦，講都你唔信呀，ｄ料多到嚇死人呀，睇吓ｄ相你就知架啦，一共整左兩盆，足足四十人食呀，問你驚味！我地屋企歌班大食怪呀，焚燬左兩個大盆菜之後仲有大量既甜品呀，有旦菜榚、芝士旦榚，仲有一盆好驚人既沙津呀．．．全部都一件無剩．餘興節目當然唔少得啦，我地lee成家人都係爛賭鬼，一共開左四枱麻雀呀，真係唔比差人足都偷笑囉！

又有ｄ同學開Party啦，叫到會食，不過有攪笑遊戲玩，味分高下．．．哈哈；同埋扭扭樂，都幾攪笑，玩到ｄ人個個都打晒kit．不過兩樣野我都冇得人，第一個遊戲怕食錯野，第二個遊戲怕扭親呀虾仔．．．最終都係玩第三個遊戲．．．打麻雀（獨古一味）！

跟住又去左美孚燒野食啦，玩下交換禮物同埋見下好多一年先見一次既朋友仔啦，今年呀，好多新面孔呀，個個都帶女朋友出席，我諗又會有好多紅色炸旦囉下年．