相機

唔好郁啦，影唔到呀！
唔係我郁呀，呀仔呀！
喂，開燈啦，唔夠光呀！
喂，企定啦，行緊點影呀！
攪ｘ錯呀，張張都檬查查架！
冇一張睇到呀仔個樣既．．．
點解張張都好似陳年舊相咁架，冇一張光ｄ既咩？

我地兩公婆就係成日都有lee d對話架啦．
BB仲細，點可以用閃光燈閃佢對眼睛呢？咁唔用閃光燈又點影呀？間房開光ｄ囉．
唉，唔夠光，capture唔到影像，ｄ相咪檬囉．．．況且而家呀仔又識郁．
個仔都四個月啦，搵相靚ｄ既相都冇，因為張張都係咁上下．．．檬！！！

好野，爸爸終於決定買個新相機啦！
但係佢睇左成個星期．．．都未決定到，三心兩意．

買單鏡機好呀，定係數碼相機好呢；買Cannon好呀，定係Nikon好呢，人地話Sony都ok喎！
唉，咁買套裝好呀，定係買機身加鏡頭好呢？

到最後，我都係用番部廢廢地既舊機睇住先．．．因為都唔知幾時先有新機用！！！

生活方式

我有個習慣就係成日去睇人地既Blog，你話我八卦又好，點都好啦，其實我．．．真係幾八架．．．hahaha!

唔同既人會選擇唔同既生活方式
有些仍然好似我以前咁，飲飲食食，兩公婆好，一大班朋友也好，不問價錢，嘗盡人間美食．．．
有些萬幾二萬蚊買部電視都話抵到想買多幾部既（其實幾千蚊都買到，但係佢地話個牌子出名，夠型喎）．．．
有些用晒佢既工餘時間來磨練自己既意志，使自己忙都病都冇時間．．．
有些會把自己既精力全部放晒落下一代既身上，休息一日都唔可以．．．
有些就算身邊發生多大既問題都好，都是喜怒哀樂不凝於色，仍然堅持每天寫作．．．
有些屋企人仲係睇緊14吋既電視，每天仍然為將來卉波勞碌．．．

真係唔同既空間都會有著唔同既事情發生，無論他們既生活有多奢侈，有多勞碌，有多辛勤．．．假如他們都是樂在其中的話，這些就是屬於他們的生活式．
相反，要把自己放在另外一個人既生式裏，他一定會活得比死更難受．．．

講到尾其實我有這種感覺架，因為自從BB出左世之後，好多事情都係是與願遺，我還未找我既生活方式，所以每天都係好似遊魂野鬼咁．．．

第九本部文化節 08'

終於忙完文化節囉，雖則我並唔係出好多力，但係要度時間出席，安排呀仔有人照顧已經夠煩啦．

今次既文化節我一心諗住同老公一齊參加，從磨練中建立起信心既．
啊！一個唔覺意，大左肚添，冇得做表演者，咁唯有做工作人員啦，幫下手都好既．參加既時候半請半求老公大人去報名，好啦最終都報左名做幫手，不過當時佢又返緊學，所以好多次都出席唔到．估唔到正式表演歌幾日佢仲要當間添，莫講幫手，連去睇表演既機會都冇埋．唉，真係唔夠題目同埋冇好強既一念呀！

仲記得97年既文化節，唔知點解參加左，又唔知點解比人簡左去跳舞，又唔知點解會咁大型，D衫又咁靚．．． hahaha！不過都係一個好好既回憶黎既．話咁快又十年，下次文化節我都要做表演者呀，仲要呀仔都有份參加（唔知點解，我好有信心呀仔一定會參加，但係就冇好強既一念老公都一齊參加）．haha, 可能我d注意力都放晒比個仔囉！

支持

支持既定義係咩呢？係我理解既就係覺得你既選擇係對的話就全力以赴，無條件咁幫助協助做好件事．

但我係發現係唔同人既心目中係有唔同既解釋，就係以自己既想法去幫助人，佢都都覺得係支持．

事原係咁既，我呀爸呀媽成日都話好支持我，點支持呢？佢地覺得呀仔比呀嫲呀爺照顧，一聲都唔過問，任由佢地既喜好自己都不加汗與，而我又可以好注心咁返工，做番以前既程家怡，就叫好支持我，幫助我．但係事實上係咁咁呢？

我生得左小朋友，唔多唔小都會有唔同，有掛心既時候都在所難免．係咪有人照顧位小朋友我就可以當無生過小朋友呢？一一一一定唔係啦，咁就算我幾放心呀嫲呀爺照顧個仔，我都會掛住BB既．倒轉頭佢地點解唔可以諗下支持我幫助我既方法有第二種呢？

我每日都都準時放工先可以撘到船返去食飯，準時放工對我這份工來說係有一定難度既，所以每日要返去都會覺得好辛苦，但係無辦法，真係好想做到每天都給時間同呀仔相處．父母有冇睇到我有這個需要同埋會有這個困難呢？佢地要支持我既，點解唔可以一個星期又好，兩個星期又好，帶BB出黎柴灣住，等我可以係公司安心咁工作然後放工就可以返去見到BB呢？這樣係咪先算係支持呢？

討厭自己的感覺

每一次同呀媽傾偈都會攪到好似嘈交咁．．．都唔明點解！

尋日我地講開四叔同四嬸既問題，我題意其實我地係咪應該同四嬸講，"你家姐佢地咁少落長洲，不如你陪佢地食飯啦，有時間先落黎陪我地燒野食啦"；呀媽立刻發晒癲咁話，"唔通我叫佢唔好去燒野食呀"；我話"唔係咁講，講得好聽d咪得囉”；佢仍然係發緊癲"你咁識講野，你唔講，同我講有咩用姐"．．．

好坦白，係歌一刻我真係好討厭同佢對話，因為無論同佢講咩話題，佢都係會起晒幹咁，對住佢真係覺得有d攰．有時我真係好偒心，點解返屋企同屋企人對話都要每一句都想得好清楚呢，怕lee句佢聽左唔高興呀，怕佢會發癲呀，點解唔可以隨隨便便咁傾下偈呢？？？？真係十萬個為什麼呀．

我都有覺得自己唔岩，點解要討厭同母親對話呢，點解會有lee種感覺呢，但係歌一刻真係有lee種感覺，可能每個人都有個限度，我已經用晒啦！！

媽咪，其實可唔可以大家平心靜氣傾下偈呢？

It is a Bad Day

真係好忟憎，工作又唔如意，家庭又唔如意，自己又病埋！一千個忟憎呀呀呀呀．．．．．．

工作
話說個IT比人抄左仲係即日走添，換言之姐係一句手尾都冇交低架啦！
好啦．個server兩日前死左，個新黎既十九IT就話自己整，結果都係整唔掂啦！我就話擺出去比人整，但係要快，因為我地每日做既野都存係度，點知個仆街婆就話要搵間公司黎上門整，仲要同人簽約，好似做保養咁．火都起埋，以前個IT點廢都好，都唔洗求人返黎整野既，而家請個仲廢既IT返黎，叫佢擺野去整都話唔識既．公司已經話cut cost，姐係話冇人工加啦，條仆街婆咁小小事（hard disk recover)姐都話要join保養．真係興到爆炸．

家庭
放假想帶個仔返柴住下姐，呀爸呀媽實話唔好架，成日都話比呀嫲呀爺睇多ｄ，我真係好興．一講我就發火，佢地（我呀爸呀媽）夠境理唔理解架！
第一，我生個仔唔係為左滿足任何人，唔好乜乜七七都話呀嫲呀爺．我係好多謝佢地幫我照顧個仔因為我要返工，但係我唔洗返工既時候，唔好再同我講放假都比嫲嫲爺爺玩下佢．我日日放工都趕船趕車返去都係要見下個姐，放假緊係更想見多ｄ啦，帶佢出柴灣我又住得舒服ｄ，點解唔好呀，帶親佢出去都話唔好．
第二，唔係再好似你以前歌套咁，生左個仔出黎比左呀嫲呀爺睇就可以咩都唔理架啦，我要自由既，我就唔會簡有小朋友，唔係話你做晒父母要做既野就係支持我囉！我都會掛心我都會爭取時間親子架．支持既意思係你協助我做我要做既野，而家係迫我行你覺得好既野．

愛情的感覺

尋晚睇電視講到一個男仔貪新棄新舊，要放棄一個一齊左七年既女朋友．．．

其實我都好明白個男仔既感受，同一個識左幾個月相比起一個係埋七年既女朋友既感覺，一諗就知道邊度會開心ｄ啦．．．老生常談，一開始緊係愛情啦，愛到難捨難離，唔知邊到黎咁多個話題，講極都唔完，日日見都唔覺悶；有愛情既時候，就連佢既缺點都會覺得係優點，完全係被蒙蔽！

但係時間慢慢過，愛情就會變感情，你既另一半就會由愛人變左做你既親人．．．愛既濃度就會慢慢減小．．．現實真係好殘酷架，唔到你控制．但係都唔係無辦法既，至小我還覺得互相努力仍然可以改變既．

今時今日既我仍然係要追求有愛情既感覺，但係近日既境崖太低啦，或者我要求高左掛．．．對住一個共處左六年多既人有同牀異夢既感覺（唔通真係有七年之癢lee回事？），對住佢有ｄ辛苦既感覺，或者係對住佢無晒感覺（其實真係驚驚地，點解會咁既）！

希望係因為個仔出左大家味協調到啦，如果唔係都唔知點算．．．！！！

太冇人情味啦

話說公司既IT人係廢到不得了既，叫親佢整野都多多藉口，結果呢都要自己整既．以佢今時今日咁既工作態度呢應該比人炒左九千年架啦，但係佢都係我地公司做左二年幾．

尋日終於有人出手炒左佢啦，lee個大刀手就勁囉，有能力遙控埋老闆做野添呀！真係服左佢！

不過公司發生lee d事唔多唔小都影響到我地情緒，本來我都好想滅殺lee個IT人好耐架啦，無奈真係唔係咁忍心同冇咁既決心，個大刀手攪完一檀野出黎境然自己放假，遙控老闆做佢既棋子．．．做衰人，炒左個IT喎！佢既做法真係令人好難受，要人立即走，仲要搵人睇住佢清理自己既私人物件，有冇攪錯呀，個IT人只係懶惰姐，不至於要有咁既對待呀．真係一ｄ人情味都冇呀，我當面都同老闆講，有需要做到咁冇人情味嗎？？她都有言以對．．．

值唔值得為一間咁冇人情味既公司拚命工作呢！！

No Consessionary

唔知係我過份緊張定還是係我老公過份輕鬆呢??!!

我好珍惜同BB相處既時間，因為我覺得BB時時刻刻都唔同，表情多多，好得意．但係呢，老公就相反，好似完全唔記得自己有個仔咁．．．

剛剛過左既假期，我兩個呀妹都長途跋涉咁幫我由長洲帶BB去柴灣，目的都係一個就係BB太可愛啦，想見吓佢，抱下佢，睇下佢笑咁囉．．．但係個爸爸就相反啦，離譜到不得了：

星期五晚去左打波（算啦，我有兩個呀妹陪我）；

星期六朝早要開工（冇辦法啦）；
下午一返到屋企，第一時間開著個電視，一路都冇理過我地，簡直當我地透明；我就話我未食野（歌時已經係下午16:00啦，我乜都未食過呀），不過等呀仔食埋餐奶就出街食野兼去吉之島行下啦，佢話好呀，不過要早去早回，因為20:00有電視睇（已經開始火火地，都算），準備出街既時候又話（16:45），17:30又有電視睇喎．．．（已經好肯火架啦，都算）咁咪落下面商場食囉．佢都仲味知死．．．一食完就想番上睇電視，我就自己同個仔行商場．（雖然我一句聲都冇出過，但係我已經發晒脾氣，半句野都唔同佢講，當番佢透明）．

星期日仲話要去打波，公司比賽唔去唔得．．．（我已經完全放棄lee個人，佢去邊我都唔在乎囉）

我唔係話佢唔攞小小時間出黎就唔係好爸爸，但係佢既態度真係好有問題，一個星期兩日假期，佢自己用左一大半啦，打波都算，仲要睇埋電視，有冇攪ｘ錯呀，就算個仔唔係到，係咪都應該撥小小時間陪下個老婆呢？？

如果係我生活裏面一件事都唔再雖要佢，我就唔會有lee種唔開心！　
以佢咁既生活態度對BB，佢配有個咁可愛既仔咩？？！！