聖誕節前夕

今年既x'mas party我想攪下氣氛所以落左本買d裝飾打扮下自己，因而激發左一d玩得既同事都一齊癲，...都係我最想見到既情境黎既，真係幾開心架！同埋我都係認為人要work hard、play hard，我其實都好怕d人成日求求其其咁，無論做野同玩都好啦，唔投入係唔會覺得佢地會享受到個過程囉！

過左今晚既Party，其實我都幾懷念以前既聖誕節架，晚晚都有得玩，可以同朋友玩到天昏地暗，又可以同情人去下街，交換下禮物，周圍玩周圍食...真係好懷念！而家只限於係屋企開Party啦，就算比你出街你都心掛掛，唉！

我想去旅行呀！

話咁快又差唔多一年啦，一到年尾就會好窮，因為太多人結婚，比禮既錢絶對夠兩公婆去多次秦國...好慘！仲要加埋好多開支...真係點解成日年尾都係咁架！！

勁想放假既我，為左錢，用好餘下既假黎換我之前放過既病假...有3000蚊．公司有條例，可以用大假offset病假，一年無放過既話就有$3000，發錢寒既我寧願唔放假囉！

加埋我已經係公司做左3年，有小小既獎例$5000，加埋就有$8000，我打算出年一家人去旅行呀...係小比2歲前(唔洗機票呀房錢)要去左日本先，因為第時太貴就唔帶佢去啦．
諗起可以出去玩下都開心呀，不過千期唔叫我plan行程...最怕，留番比爸爸做啦！

等到出年四、五月實在太耐啦，所以一月要去大陸玩下先，近近地又有教育意義既長隆動物園啦．有藉口話帶小比睇下動物，其實係我好想去玩下...

成日話窮但係又成日想去玩，想去玩緊係要洗錢架啦，所以話開心某程度上係付出金錢既！

澳門兩日遊

入左公司足足三年，都無去過incentive，今次近近地啱晒我啦，去澳門兩日一夜，有得住下威尼斯人，打正牌去玩，名正言順拋夫棄子去happy下...正!

一去到就食個蒲餐先，不過普普通通啦，唔覺得特別好味。


食飽飽就慢慢行去check-in，間房咁正，休息一陣就落商場迋下，個商場係無辦法會行得晒，啱晒我地lee d十年無行過街既司奶，可以集中火力。不過我最意都係個人造天空，真係可以另你不分晝夜，樂而忘返。無錢去歐洲既威尼斯，去下澳門啦，建築都係一比一架。




夜晚就同台灣既同事食飯，感染一下台灣同事既團結力，香港(我指香港區)真係要好好學習一下人家既團體精神，唔好成日各自正。

第二日緊係要去下手信街，老公話要食豬肉乾，去出口店買兩件衫仔比呀仔，咁就炭完兩日一夜啦...爽呀(最爽都係唔洗比錢姐)！

近況

近排似番個冬天，凍冰冰鐘意"拾下拾下"，但係自己又唔爭氣，打親邊爐都好易病，完全唔明白拾野食都會熱氣．加埋今個星期轉天氣，我又病啦．．．唉！

轉天氣小朋友都唔係咁適應，小比都有d鼻水同小小咳，希望佢底抗力好d啦，唔洗睇醫生！！

lee排又煩公司野，好多野都睇唔順眼，人又好事又好．．．細公司既人治方法實係令人好難受，老細自己想點就點，無跡可尋，好唔鐘意lee款工作環境，十級討厭！真係有d似現代版宮心計，只要你討得人歡心，乜都得，勁多刷鞋精，討厭！！

我係咪太過完美主意先係咁呢？其實間間都有lee d問題架啦，有時諗轉工都係會由一個地獄轉去另一個地獄姐．


都未識行既小比已經開始著Boot．．．潮B！！

EQ有進步

我覺得自己真係叻左，星期六晚開清婦會講及人唔開心／憤怒既原因好多時都係因為執著，執著別人的一句說話，一個眼神或人家的行為；言明既清婦係要懂得執著一些對自己有利的事情，例如我要執著一定要做人間革命，一定要做廣宣流佈等等...

明白左事理之後，我覺得自己真係有實踐．今日公司開會既時候我才發現有d事情我應該知既，但係某人無比我知，好明顯係有心忍暪，我猜唔到佢咩居心，但事實就係咁囉．我發現既時候係有唔開心，仲想開口駡人添，但係我諗，又係一次考驗我EQ既時候，我冷靜一陣，就不停咁諗點好，終於我諗：算啦，遲左知姐，好過一路都唔知，無為執著幾時知，無咩事情係無法補救既，要做既事遲下先做效果可能仲好啦．．．之後我既情緒就平伏左好多．

hehe...但係我係一個咁記仇既人，又點會唔把lee位好同事既好事記一功呀...仲要勞勞咁記住佢添！同事始終都係同事，我對人無愧於心唔等於別人都係無機心．不過朝見口晚見面，見佢多過見屋企人，點都要留反地餘地既．

近來有睇婆仔電視劇宫心計，三好既處事態度都可以作為借鏡既，說好話、做好事，仲有一好唔記得...hahaha

So Proud to be Miss Ching

其實我真係好多人鍚，朋友好親人好，唔屬於自己生活圈子既人都會有記掛我既時刻．
拉叔係一個好例子，莫講佢曾經為我地屋企帶來多少麻煩，佢記掛我既心真係有錢都買唔到．

我都係一個知恩圖報既人，咁多人都咁鍚我，我都要諗下點樣好好咁回報佢地先．

有時我覺得自己都好有運氣，可以投胎做程家怡，媽咪信心好強，爸爸有d小聰明，有一個關係好密切既大家族，個個都睇住我大，睇住我結婚生仔，個個都咁鍚我，外表又唔係咁差，個腦又幾精靈......hahaha...I m so proud to be Miss Ching．

My Lovely Baby

係度真係要讚下我個仔，佢真係好叻呀，好似好懂性咁呀！

今早佢七點幾醒左，咁比支奶佢食啦，食飽飽係度培養緊感情再訓，lee個時候我個鬧鐘就響啦，熄左之後見小比仲未訓得著，就同佢講啦:媽咪夠鐘起身返工啦，不如你攞埋個枕頭過去同呀嫲訓啦！
佢竟然睡眼惺忪咁攞住個枕頭落牀行過嫲嫲房，同呀嫲繼續訓呀！！

個仔真係好乖，好似好識性咁．真係要多謝小比，人仔細細，真係唔expect佢會咁乖，好感動．

仲有平時跟媽咪去街，佢多數會自己行架，因為我同佢講，媽咪無力抱你喎，只可以抱一陣，你要自己行多d喎，佢真係好少要我抱佢架；相反同爸爸出街就會成日要爸爸抱囉，因為爸爸都無拒絶過佢．

小比真係好似有一顆懂體量人既心咁！Love u Baby!!感覺好Sweet呀！！


唔好睇佢細細粒，一肚計仔架個仔！

蝦look版生日會

爸爸12號生日，星期五晚買定個旦榚返去慶祝，諗住早早地同埋小比映下相先食．．．點知無攞蠟燭，充滿完美主義既爸爸話，咁明天先食啦，無蠟燭無得影相唔食住喎．．．唉！仲等我留空個肚添！！

咁第二朝食完早餐就去美心攞番d燭先，等小比洗完白白，小休一會就切旦榚啦．．．點知小比先生訓得歌幾個字就醒左，咁又拿拿林要攞個旦榚出黎切啦，爸爸又放定個點左蠟燭既旦榚係張短登度喎，自己掛住攪部相機，突然就聽到小比係到大咸啦．．．原來條友仔係度玩火，攞隻手指仔去捉d火喎，燒到咪哭囉；唉．．．最激氣就係爸爸張成個過程錄低左，掛住錄都唔阻止小比喎．．．

根住氹番小比哥，都唔記得換衫lu，一家著住睡衣黎影生日相啦！！

特然之間

特然之間明白到我點解成日好似魂不附體咁，原因只有一個就係我無一樣事情係好熱充既．

工作好似上左軌道咁，行雲流水，滑晒瓦咁，無乜新沖擊，耐左連拼博的心都没有了．

個仔都算係人生既新沖擊，但係身邊太多可以幫助既人，好多野根本唔洗我lee個呀媽操心，又無乜記托．

個老公呢，係定個台油歌款，最緊要安定，什麼新玩意都免問啦！感情又好穩定，無乜要操心．

經濟上又係一個定案，無乜特破既空間，又係無乜要操心既！

特然之間好想搵d野要我担心，要我落力既，等我有返自己要集中既記托．真係要用心祈求一下先得．


比比：呀媽，你咁後生，咁唔得架喎...

簡單就是美

簡單就是美聽得耳屬能長，但係有無真係好窩心咁感受過呢？

話說很遲才驚覺自己既結婚週年已有五年之久...完全没有什麼心理準備去慶祝，臨急抱佛腳又六神無主，都唔想攪乜好...算吧啦！

結果請左半日假，先自己開心下先，做個facial再加個massage...真係成個人都鬆晒，真係好有偷得浮生半日閒既感覺，簡直係爽呀！跟住緊係唔少得既三人行啦，約埋老公同個仔，爸爸建議去尖沙咀行吓...是旦啦，反正都唔知去邊好．其實都係諗尖沙咀有間極大既玩具返斗城，可以比小比盡情咁玩...佢玩得開心，我地都無咁辛苦，真係一家便直兩家著呀...hahaha!根住仲去左水警舊址影相，來回都唔洗三個鐘...行程係咪好流呢！！無計啦，小比既精神狀態只可以支撐3-4個鐘．

其實我既快樂都好簡單，只要見到爸爸同小比開心，我就會好開心啦；根本唔洗諗咩慶祝活動...原來真係可以咁簡單！！



　　

五週年!!

唔係呀妹提我，我完全唔記得今日就係我既結婚五週年…我不嬲對日子既警覺性唔太高，咩結婚週年呀，拍拖紀念日呀…全部都無概念既．

話快唔快，話慢唔慢啦，咁又五年啦…人生又有幾多個五年呢…哈哈哈(人講我又講)．

對於一對承諾要白頭皆老既夫妻來說，五年只是一個開始，因為可能還有十個或更多個五年跟著來．除了要慶祝可以順順利利過左頭五外，我覺得係要黎一次大檢討啦，正如我既理論一樣，愛情都要好似工作咁，係應該年年有評估，有評估先有進步和檢討既空間，如果唔係就會等於做又36唔做又36既情況一樣，姐係有無你係身邊都差唔多．

你睇我地簽賣身契既時候幾認真!!

五年前既我幾青春!!


我老公會係球場上說:好懷念以前既速度(因為而家點盡力都去唔返以前既體能)
而我就會話:好懷念以前既愛情態度(因為而家點盡力去愛都要兼顧埋現實,真係唔可以不顧一切)

大家在某程度上都去唔番以前既位...實在太令人悲傷!所以呢，年青人係要做番年青人既野！

怕死

唔知係咪人大左就會怕死呢!!

近來雙腳既關節好痛加埋雙腳成日都好鬼攰...都唔知咩事!!可能聽得多負面既野，成日諗咩事呢，係咪骨癌呢，類風濕關節炎呢，定係D內臟有事導致呢？咁內臟又有咩事呢，係咪糖尿病呢？

接著黎又諗，如果真係有事會唔會死呢...好唔想死喎！

其實有睇醫生架，不過仲未睇到痛原啦，食過藥都未有反應，希望快D搵到病原啦！！

特然怕死

精神好番好多啦，應該係回覆正常狀況啦。

身體好似仲係唔係好妥，雙腳仍然係成日都好痺既，仍然係日以繼夜、夜以繼日咁分分鐘都咁眼訓，長期處於一個昏睡狀態。有日特然個胃唔係咁舒服，再加上近排胃口麻麻，摸下摸下自己個胃...好似摸到粒喎。

加加埋里以上既病徵，有D驚喎...咩事呢，係咪個胃有事呢；再加埋自己嚇下自己...我都好似食左成十年微波爐食物囉喎...係時候病發囉喎。特然之間好驚喎，個仔咁細，點捨得咁早死呀。第二朝立即去睇醫生，醫生話粒野係身體結構既一部份喎，咁都無咁驚！

不過真係應該唔好再食咁多丁丁野啦！

太感動啦！


有一天，兒子問爸爸：「爸爸你和我ㄧ起去跑馬拉松，好嗎？」爸爸說好。於是他們一起跑了第一次馬拉松。 第二次，兒子又問爸爸：「爸爸你和我ㄧ起去跑馬拉松，好嗎？」爸爸又說好。 有一天，兒子問爸爸：「爸爸和我ㄧ起去參加鐵人競賽，好嗎？」鐵人競賽是最困難的比賽，必須游泳 四公里 、腳踏車 180 公里、跑步 42 公里。 爸爸說好，我們去參加。 以上故事看起來很簡單，請點選以下連結，觀賞影片，你將會了解愛的偉大！



成日聽人說老人院的老人家會無人理，點解做仔女既可以咁忍心，一個月探一次、一年探一次自己個父母！！完全唔理解呀，父母喎，可以無條件咁養大你，點解可以咁樣對待佢地呀？？

見到身邊做左父母既人個個都對張仔女放第一位，個個都係心肝寶貝，真係萬千寵愛，任勞任怨；係你地寵愛自己仔女既同時，有無寵愛番曾經都張你放係人生第一位既父母？可能層次有唔同，但係佢地都係咁樣寵愛、咁樣任勞任怨地照顧你地架；有無想過可唔可以做番轉頭比佢地呀？

8月19日

今早係Facebook見人去台灣玩，影左好多好開心既相．我連好想去玩既心都靜了下來，咩事呢？有咩可以比番晒d動力我呢？

我發現身邊既人都好充實地過著佢地每一日既生活，有人會埋怨，有人會好開心，個個都好投入．點解我會好似靈魂出曉咁，整個人既思想都唔屬於自己既呢？好似張自己既野睇成另一個人既野咁，莫不關心．我要點先可以重新投入呢？

公司生意麻麻地，我好似咩都做唔到咁，點先可以大家士氣好d呢？年尾公司仲有一個危機，好担心呀！

我係咪醒左？

特然間覺得自己變左另一個人，因為我既思想同睇法同以前有所不同．

我有d埋怨，點解身邊咁多人可以買樓，住新屋，有新天地；點解我地無呢？人地D老公都會承担左置業既負責，點解我老公毫無概念？

點解人地既老公會對外家既人好似自己人咁，但係自己個老公寧願開工都唔同我老豆食生日飯？
次次去完探親戚，一落樓就西口西面，比面色我睇呢？我都唔係只係探自己親戚姐，都有去你既親戚屋企架喎！

男人係要捱架啦，你返一晚半晚夜，洗唔洗返到黎西口西面對住我呀，你唔捱得咪唔好做囉，發老婆脾氣，算咩男人呀，你有本事咪唔好做囉．

點解人地D老公仲會氹下老婆，我個老公一D都唔細心，唔好話氹啦．

點解我要同你一齊捱，你乜都無．我問你呀，你比過D乜野我呀？

我以前唔識咩叫現實，而家要計較既時候才知道自己乜都無；點解我要計較？點解我要同別人比較？

病發

我感覺到近來自己既情緒出現問題.

我對任何事都提唔起興趣，唔想返工，返左工唔想做野，唔想食野，唔想見人，邊度都唔想去，咩都唔想做。

有諗過係咪physically既問題，因為朝朝隻腳都好麻疹，同埋日日都好攰，好耐未試過既意識醒左但係個人係完全郁唔到。係咪個人太累呢？

以前幾攰，假期見到個仔都會充滿力量，但係近排覺得好吃力，好多野都提唔起勁。
　
我都成日同自己講，程家怡比誰都幸運，為何要覺得不妥呢。任我有多理解都好，我就是覺得不舒服，所以我覺得情緒的問題，無原因掛，或者有我唔識表達。

佢既將來由我們控制

真係開心既時間過得特別快，呀仔又大左兩個月啦，有十四個月啦（14歲就話姐）．．．

的起心肝同佢去下Play Group啦，唔係話咩想佢出人頭地要由細訓練，只不過係想佢同D同輩玩下，同埋睇下人地點教細路姐．

開始感覺到唔知點教仔啦，而家佢有自己既思想，識得鐘意邊d，唔鐘意邊d，行街又要指你去邊去邊；我呀爸歌輩一定話，咁細個就晒佢呀，大個仲得點既，唔得呀，由佢係街激喊啦．．．究竟現在教育係咪都應該係咁呢？我都想知多d，所以我都當係去學習下，點樣引導小朋友成長啦．

小插曲：話說現時既play group９成９都係用英語主導架啦，同小比老豆講報左個課程，導師都係用英文同我溝通，我話未轉到tone都唔係好對話到，佢立即好抗拒咁話：吓，用英文呀，我唔去架，我寧願返工都唔去呀．．．最憎，轉番中文我就去．．．
我一定發晒癲啦，報左你先講，而家比個機會呀仔同我地一齊學習，你又嚴三嚴四．．．搵都搵多D機會比個仔吸收多種語言啦，而家又唔係叫你去上堂；唔通你唔鐘意就叫個仔唔好學囉bor．．．

做父母既唔係應該用子女既角度出發既咩？唔好同我講你唔鐘意D乜，不如你同我講你想個仔識D乜．

信心原點之日

創價學會都係用5.3黎做信心原點之日，意思就係重新修定我地既信心的原因，定下新目標，繼續努力信心啦．．．（咁上下啦）；而我呢，就用左清婦研修日來做個信心原點日，可能係學習既野同所討論既野都比較貼身啦，所以好多野都會上心d．

過去既半年真係懶左，好多藉口啦，又無御本尊呀、無時間呀，包羅萬有既藉口啦．．．又或者真係近來都無事故發生啦，所以都疏懶了．

仲記得臨出發既時候，仍在掙扎中，心諗如果個鬧鐘唔響便不出席啦．．．wahaha...好彩個鬧鐘都響左；同埋小比比同老公都好配合我，呀仔前所未有咁早起身都無扭計，丟低老公一個人又無投訢．都算係好好既安排．

呀仔仲去左呀姨屋企過個一日没有媽媽和嫲嫲的日子．．．好叻仔，無扭計！

打工仔心聲

好憎而家做緊間公司，無人情味，無褔利又克簿。
我入黎既時候都唔係咁既，係咪經濟差就大條道理可以咁樣呀？
大公司有辦公室政治，有人收左人工無野做鐘意攪下事；細公司得幾個人都要係咁！！無眼睇。
好無奈，點解仲要幫D咁無良心既僱主出心出力...現實咪係為左小小錢囉。
我唔係要好好待遇，只求一個有良心既僱主姐...十萬個唔想返工，見到D人覺得好討厭，個個都係自私鬼，講乜野為公司為公司...rubbish!!!

係香港生活真係好辛苦，咁辛苦返工，返黎搵個舒服D屋企，樣樣都係錢，租屋住要錢，開冷氣要錢，食好D又要錢，乜都係錢，唔返工又無錢，姐係迫住要對住D無良僱主四萬咁口...好憎現實，現實就係現實，真係想E埋眼雙腳一申乜都唔關我事。

６月５日
今天很忙，開了兩個會，整天都没有好好坐下來覆email，臨放工時驚覺很多電郵好急要立刻覆，但．．．放工比一切都重要，決定丟下所有工作．．．走吧！
怱怱忙忙跑到碼頭，在船上回想未覆的電郵，有點掛心．．．

近來思緒很亂，攪唔攪生意好呢？鋪位、請人、時間．．．點好呢？
最後都係網上啦．．．仲有好多細節要諗．．．
攪唔攪好呢？

６月１０日
自從決定要攪網上賣衫後，無論思想上及行為上都忙都停唔到．
又簡貨，又要試質料，又要整理，又要影相，又要整綱頁，真係好多好多野要攪．．．

定左個投資額，買夠貨就可以試下自己做生意既感覺啦．學老細話齋，只係坐著想是無用的，試下去做先知得唔得架麻；都啱既，返正成本有限度．希望有生意啦．．．哈！

６月１１日
簡直就係過份呀，越諗越嬲呀．
唔係話落唔落到台既問題，嚴重咁講就係尊唔尊重既問題，風趣咁話就係識唔識趣既問題．
我敢講如果係情侣關係，今朝應該係散，仲要係無得番轉頭歌隻．
我敢講作為女性，我已經覺得自己很懂得表達自己，無奈你的態度實在令人太難受．我唔覺得可以當笑話囉．

小比日誌

快樂既時間過得真係快，不知不覺呀仔就快一歲啦，每天對住都覺得好快，好似日日都唔同咁。

最開心就係每日放工返黎，一見到佢就會望實你，眼定定咁，微微笑咁望住你，隻手仔好似想模下你咁...好sweet架!

每晚半夜醒左都要要聽到我或者呀嫲把聲先安心繼續訓，任由爸爸點氹都好，我講兩句，佢就會乖乖再訓，我把聲都有人欣賞喎！

有一次同佢訓教既時候，佢meet我喎，我掃開佢隻手；佢再meet，我再掃，仲打佢隻手仔；佢仲meet多一下，我好惡咁掃開佢，再打多佢一下；佢好可憐咁望住我，流晒眼淚咁...歌刻我明白佢之前應該係覺得點解媽媽會打我架！ 第三次已經忍唔住哭左出黎...見佢咁慘，鍚返佢，就乖乖地訓教囉，歌次之後就知佢係識性架啦！

第一次去呀姨屋企臨走時，我同爸爸扮走，留低佢比呀姨，見佢個樣幾荒失呀，哭晒口咁既樣，一抱返佢就笑番晒。感覺到佢跟住我地會好有安全感...好開心！

工作壓力

近排好攰，可能因為出左兩日街做野，感覺好似打左兩場仗咁．．．

準備緊要Training比台灣人時已經好煩，成日改，唔係改時間又改地點，煩到你死．
到真係要出去時，好有壓力，又唔可以遲到，又驚meet唔到schedule，D發瘟又一批批到，一場要我跑幾次，攰到你無命．
中場又要控制下時間，唔想Overrun，又要陪佢地傾吓偈，唔好咁多dead air場面；已然攰到震仲要攪氣氛，簡直係過份嚴重體力透支，真係唔想撈呀！
返黎仲有睇番d email,又要做番晒Training D follow up，又要跟住之前d低能Branch; 又要做埋新公司D野，救命呀！

諗番腦細唔係好人，舊年咁好生意，純佣金成億都唔分花紅，仲要cut埋medicial，仲要減薪，lee D咁無社會企業責任既商人邊藉得我地為佢博命！

我的工作

近半年腦細張我慢慢轉左出行政部，佢話我善於同人溝通，可以負助佢去揍下新既分行同顧問喎，起初都好抗拒架，話晒我係行政部都做左咁耐啦，好多野都係我起出黎同定出黎，一時間話丟低就丟低咩．．．咁啱又金融海嘨喎，行政都炒左人．．．咁我都無眼睇啦，轉就轉啦！

而家慢慢都習慣左新既工作範式囉，無乜手板眼先工夫，多數係做溝通多，講電話、講電話、傾偈同講電話．．．講到口都攰埋．．．了解之後再內部協調，卒下數囉．

唉，都係做隔心人，有時真係左右做人難，夾死左！

我都算口齒伶俐既，講野都唔會難到我如果我用心去做的話，但好多時候要出現口是心非，真係有d難受．明明聽到佢把聲已經煩到爆，仲要話好聲好氣咁．．．自己都覺得自己有d面目可憎！

無辦法啦，但腦細都有同我做過心理負道，凡事都用正面去想，唔想用負面既想法，出來既效果都會係正面既，咁我都好相信既，唯有儲多d正能量以備不時之需啦！

說不出的話

不知是你們有心還是我過份精明，你們的眉來眼去，懂說是道非的眼睛都一一給我看得清清楚楚．

誰也没有權利去批評一個母親有多緊張自己的子女，大家有著不同的赤道．

没有一個人我一定要給你面子，還懂得尊重你的時候，會客氣稱呼你一聲，否則，你貴姓呀？

唔好我同我講邊個邊個有幾親有幾親，我生個仔唔係為左其他人既，唔好迫到我對你有偏見．

我唔係母憑子貴，你唔like既唔該彈開，唔好比說話我聽、比面色我睇，好能憎．

唔習慣同人分響，唔好比我覺得你嘗試佔有緊我既野，我唔會同你客氣，任憑你怎樣美言都好，霸佔就係霸佔，我既野唔到你霸道．


媽媽是任何時候都站在你身後的, 願意做你的背景、做你的後台．希望你會明我既心意！

近況

近排好懶，提唔起心情寫blog，一定係藉口多多．．．

剛剛過左個太平清醮，又過左個母親節，應該有d野寫既．．．

昨天第一個母親節，無乜大感觸，只要每天都能見到我的小寶貝健健康康，滿面笑容已經心滿意足．

昨天第一次帶小寶寶去沙灘遊個早水，約左幾個哥哥去食個早餐先出發，食唔到囉，小肥肥九點幾先起身，都係沙灘等啦．．．好似走難咁．．．出發啦！！由於唔夠時間食早餐，小比只好咬住個豬仔包頂住下先啦．．．



出奇，小比乜都唔驚．．．玩沙，玩水，唔識驚定係唔驚？？

只係好簡單咁去下沙灘，已經好開心！

自己做左媽咪都唔覺得母親節有咩特別，所以都冇特別同呀媽慶祝！

我好掛住你呀！

部電話用左六七年終於因為舊電老化而要買部新囉，對於我黎講一點都唔覺得興奮，因為對電話無乜要求，基本公能加簡單既schedule＋計數機＋字典已經極之足夠，其餘既都係點綴吓囉．

老公囉左我部舊電話洗晒裏面d野，諗住賣左去．．．其實我好唔捨得，成日心掛掛，諗住d收買佬實對佢（跟我六七年既電話）唔好啦，粗粗魯魯，又同其他機一齊放．．．唉，講到尾都唔會好似我對佢咁啦！老公話我痴線，電話黎之麻．我話話晒都對佢左六七年啦，無感情既咩．．．

最後我都向現實低頭，同佢影左張靚仔相留念之後就交左比老公啦．．．嗚嗚嗚嗚，希望你搵到主好人家啦！！

出門

兩年無出過門，決定跟蟲蟲去個平價既自由行，重遊泰國啦！

計劃當中都無担心過如何安置小比，因為除左我，佢都可以同呀嫲訓既，lee個就係自己人揍小朋友既好處啦，自由好多．

話說出發個星期周圍都勁大霧，仲連續發生左兩宗飛機失事，攪到我有點不安添．．．

出發當天要四點幾起身，黑咪蚊蚊，見到熟睡既小比仲發緊春秋大夢，真係有d唔捨得添．．．當我搖著他肥肥的手仔時，特然諗到如果我返唔到香港，以後都只能係夢中見啦小比．．．wowowowo，攪到有d眼濕濕添，仲唔係好想出發．

但係一落到街就唔記得晒囉，上到機連呀仔姓乜都差d唔記得添呀．
唔好以為我真係咁難玩，到左第三日已經好掛住肥仔啦．．．忍唔住要係沙灘上面寫佢個名出黎，一解我掛仔既心情呀！

近況

近排攰到暈呀，皆因呀仔病左，好小事姐，只係流鼻水同有咳，但係就係成個幾星期都唔好番先煩，個鼻仔窒住，一訓低又扭計，又食唔到奶咀，一啜又哭，你話點訓呀．．．真係我病好過佢病呀！
晚晚都要起幾次身氹佢訓教．．．真係唔洗訓，實在太攰啦，頂唔順呀，結果爸爸讓左個位比呀仔訓，咁我就可以舒服小小咁訓係度氹佢囉．．．但係隻小魔怪跟我訓左成個星期，而家半夜知道唔係訓大床就唔肯訓喎．．．幾抵死呀，不過都係辛苦佢老豆姐．．．成六尺人，要打直係訓．．．hahah!



可能做左媽媽係唔同d既，以前每日大約都有6至7個既睡眠時間，但係朝朝都係唔願起身既，返到工都仲好似遊魂咁，成朝都集中唔到精神，到下什食完飯又話飯氣供心，姐係成日都無乜做過野啦！但係而家情況大有改善喎，而家晚晚都斷斷續續咁，正一無教好訓呀，但係一朝起身不知幾精神，返到公仲一撻即著添，真係大有不同呢！

人夾人縁

人越大，要係身邊搵合得來的人就越難，因為大家身心都已經有所顧慮，或者是大家對身邊的人的看法已經有不同既要求。

有時聽到別人在問做朋友有什麼要求，多數都是回答投契、共同啫好.....

投契就是你跟他一起的時候都覺得很舒服，可以不需加減半點熱情，但他仍知道你很歡迎他；不需惡型惡相，但他也知道你的不悅；大家無言時仍不會尷尬，不需刻意找話題來打悶局；跟他一起時不覺得是應酬，而是可以共用大家的私人時間。

很害怕別人的過份熱情，不論是他想滿足自己還是對人寵愛有加，很有令人喘不過氣來。

I am back!!!

我諗我現時既精神狀態，我既精神困擾應該好得七七八八．我除左無左d抑鬱外，我既雜性都返晒黎呀．．．

雜性一
成日心思思去買野，想睇下鞋呀、衫呀、飾物呀，乜都想睇！

雜性二
所有野係唔鐘意只係買一樣，要有幾要有選擇先滿意，例如：介子要唔可以得一隻，要有兩三隻選擇先開心（不過可以帶黎帶去都係一隻）

雜性三
成日勁攰都唔願訓，明明無野做都唔訓教

雜性四
成日想食野，一日到晚都諗住想食既野，成日話自己肥但係又食過唔停，仲要食親都係致肥食物．

雜性五
成日叫悶，好似一停下來就會悶死咁．

我的治療方法是不停做自己喜歡既事性，做到攰就休息，厭厭地既時候又做其他既野，週原復始我就是這樣康復過來了；hehe...我就係假期日以續夜咁不停打牌，打到攰就係屋企hea吓...從而我就係生活都樂趣啦...wahahah...唔係攪笑，其實人真係應該係放假既時候，預留部份時間給自己做自己真係喜歡既事情．我地其實好多時都迫緊自己做d自己未必喜歡既野，例如，唔係人人都喜歡讀書，但係要係香港生活又唔可以唔讀喎，無型下我地我迫左自己做左唔喜歡既野啦，長久落黎就會攪到個人好謝，所以香港咁多人有隱形既精神病！

小比日誌

上星期呀仔病左，攪到我地精神都差晒！！

呀仔星期六跟我地去左小西灣行街之後，返到屋企就興興地啦，佢去玩既時候仲好精靈架喎...KAKA咁笑，點知半路就頂唔順太攰啦，訓左教啦，返到屋企一抱起佢就feel到佢個身好興啦，立刻同佢睇醫生啦...去到診所仲攪笑，見到個小朋友仔咳左幾聲，小比以人地同佢玩，仲係到笑人喎，人地一咳親佢就笑...你話佢邊似病呀！
頭兩日都無乜事既可能係天氣太濕啦，攪到個人會好唔舒服啦...

點知跟住lee幾日就真係病左囉...不停咁微溫發燒，個人呆呆滯滯，仲發現佢個身有紅疹添...咁呀嫲呀婆呀又唔肯帶佢睇醫生喎，成日話無燒就唔緊要喎，咁攞ｄ藥水查下都好呀，"行"架麻，又痾左幾次喎，都唔知係咪因為肚仔痛扭計．ｄ老人家真係煩呀，叫佢去睇醫生就好以叫佢去死咁，睇下大家都安心呀麻，我都係歌句，個仔唔係自己揍，好多野都唔到自己話事架啦．．．

理想假期

真係錯有錯著，今個星期係長洲過左一個好舒服、好自在、好理想既假期．

話說近日既我因為工作既事攪到自己既情緒好困擾，但係經過左剛過去既兩天假期，我好似康復了不少，有種re-fresh既感覺．

星期六
一起身同小比洗白白，隻豬仔洗完白白都要一個小睡，咁我就預備粥仔比佢食啦
跟住就同公公婆婆去食午飯（姐係我既早餐），食完去街市行左一陣
就返屋企，小比食完飯仔，再放低幾両又要午睡啦
我就係到睇書、上網；爸爸就打機
小比醒左之後就去行街，然後去左北帝廟影相
返到屋企後收到電話，同個同學食拜年飯，有講有笑既飯局話咁快又完
臨時臨急又話開枱，次次係我我地屋企都好齊人，因為其他人可以睇波，玩到成4點．．．盡興

星期日
没預計中咁攰，如常同小比洗完白白後就預備粥仔
跟住同公公飲茶
我同小比一齊午睡啦，有人陪佢訓，係可以訓成三四個鐘架
訓醒就跟左姑媽去街，爸爸就去打波，我就休息
夜晚就同婆婆去食飯

就係咁簡單既假期，我覺得
好舒服，因為唔洗趕車趕船都可以享受三人世界，嫲嫲爺爺去左旅行間屋就我地既世界；
好自在，因為無人預訂小比要去做陪客，小比全日都係屬於我
好理想，因為自在既時間可以睇下書上下網，想玩既時間可以打牌、同朋友說說笑笑

重要既係，我搵到一本好有治療性既書，治療我既心靈！

心結

唔開心通常都會去書局， 因為唔想同人講野， 唔想做任何反應， 只想埋頭入故事的世界，我諗係逃避掛。仲會想辦法去逃避＝還懂得利用緊餘既思想空間去找尋逃避既方法...還算是好事。

尋晚係書局睇到一段好似形容緊自己咁文章:

人類是種愛用頭腦來折磨自己的動物，我們經常因為想流淚而悲傷，而不是因為悲傷而流淚。很多時候，真正壓垮我們，讓我們徹底崩潰的，不是挫敗或創傷，而是背後的壓力，那個我們自己創造出來的莫名壓力。

人本來就是自然的，該哭就哭，想笑就笑，但人類總是考慮太多，罣礙太多，最後只好用自己的頭腦，把自己逼入憂鬱或瘋狂的絶境。

係咪自己迫死左自己呢？想得太多？
但係我分析出來的野又唔係無可能喎，仲係好大可能添。
說我想得太多，但我所想是又似是而非，我可以點呢？

工作

近日被工作困擾得好緊要，可能因為經濟環境既關係啦，工司既人都有點神經質，是非顛倒，豪無制度，人治多於管治．．．其實我已經有點麻木，或者是半放棄既態度啦！所以返工返到好辛苦．

工作對於我來說頗重要，人工我唔係好計較唔係太過份既話，我要既係工作上既滿足感同埋與同事的合作關係．工司的明爭暗鬥我一ｄ興趣都無，返而我睇過以前既"同事三份親"之後，我覺得合作才是工作上最高既境崖，尤其是同一些你唔認同既人合作，真係要分得好清楚"對事vs對人"．

我近排因為工作好無心機，有ｄ抑鬱，零執著，好似對咩都冇晒興趣咁．．．所以我決定丁起心肝搵過份工．我煩左好耐，但係老公話其實可以好簡單：工作係養活人既交換條件，點解要攪到自己咁呢，又唔係唔做野，只不過係搵過份姐，做到咁，睇醫生都唔夠錢啦！！都啱既，我而家諗緊既係搵到先辭職定係辭左先慢慢搵．．．！

隨想

話咁快又過左年啦，忙忙碌碌咁過左個年，而家一切回覆正常，有ｄ失落添！！

可能未找到明確的目標啦，又或者目標太遠啦，總係好似提唔係勁咁，精神有ｄ彷彿．免得關心我既人又話我無病呻吟，無謂再深究我而家既心情啦！

近來聽了兩單好離奇既自殺案，兩單都係係長洲發生既，可能都係係長洲發生既原因，所以聽落去更加感到心寒，好似好近咁．．．兩單都係表面上無大問題架，唔係話欠債呀，長期病呀．．．好似話兩個平日都正正常常，仲好開朗既，成日幫街坊辦事．．．唔知係咪撞斜喎，科學解釋緊係話有精神病啦．．．

唉！都幾恐怖，好人好者，無端端又話死左囉，如果佢死前一刻搵人傾訴吓，開解吓，咁唔會有咁多慘劇囉．．．歌ｄ呀，成日話人無病呻吟歌ｄ人呢，真係要修改吓你地ｄ思想呀，有時諗唔開既真係一刻架炸．．．到時你地後悔都黎唔切呀！

忙亂

lee個星期好攰，呀仔好似無介過夜奶咁，準時過鬧鐘，１點同５點就要扭到支奶先安樂．．．個肚仔唔知係咪每隔４個鐘就會打鼓呢！！

而家呀仔好得意呀，學識左拍掌，而家學緊bye bye,又識飛車，好攪笑，見到佢就開心囉！！

我諗我都唔係識做管理階層呀，好鬼怕叫人做野，怕佢唔鐘意，又怕佢嬲，有時叫得黎不如自己做好過呢！其實公司d同事都好合作呀，起碼叫親佢都肯做，不過我伯人地唔知點諗姐，話我成日點佢地做野就無謂啦，但係公司請佢返黎都係做野姐．．．好茅盾！
不過註定公司裏面都係唔會有好朋友架啦！！

過年既野準備左小小啦，唱左錢包利是，好似冇囉喎．．．味買送禮既禮物，味去剪頭髮，味買過年衫比自己，買左比表妹，買左個袋比呀媽．．．好似好多野味做，但係又好似做左好多野咁！！

回想與前瞻．．．好似等於零

話咁快又過左08年，因為時間過得太快，我又要分左大部份時間比呀仔，所以好多自己野都味處理好．．．包括既08年回顧同埋09前瞻．．．一蘿蘿野都排緊隊．

08好似無乜做過野咁．．．生左個仔，考左個保險牌！
09年呢？我想點過呢？只係知道年尾會開始讀書，其他仲未有頭緒．．．

剛過完聖誕，而家已經期待緊新年．．．日日都有holiday mood，星期一就仲係放緊假，味回魂，星期二三好小小，星期四又期等星期五．．．一週就係咁過架啦！！（點會有進步呀！！）

安撫！！

我真係好洩氣，我唔望別人會好理解自己，因為始終佢並唔係我肚裏面條蟲，關心自己而又係覺得自己有能力解決問題既人一定會跟我說一兩句話，安撫下自己．

安撫有很種，有些朋友只是打過來知道事情既來龍去脈，美言兩句便了事．．．其實都可能已經滿足到我，因為可能我只係想訴訴苦，轉下話題，心情便會變好！

另一些便是會知道了來龍去脈後，用自己既眼睛去判斷事情，這個方法是好合情理既，但係往往就忽視了當時人既心情同情緒，如果事事都如你所講咁容易處理或者有方程式去走的話，人同動物有什麼分別？
再講，你既判斷能力又有多準確呢，你道出來既問題又係咪我覺得既問題呢？有時，你仲會把加左你對我既認知去了解一件事，根本就對我唔公平同埋了解唔到我既心態，談何安撫呢！

其實我都理解到一個道理，我曾經都輕言話個一個媽媽過份緊張自己既仔女，但到自己為人母親時就會發覺有所不同！所以你／我唔係經驗之談就唔好輕言判斷別人既行為是係過份！你亦到唔係當局者，你點會明白當局者既心情！或者你講既野係心平氣和既時才可以理解！

老問題

唔係你錯，係我既問題，我有咩本事要你叫走晒你屋企既人呀！我自己都係寄人籬下．．．

路係我自己選擇既，要嫁一個無車無樓無工人既老公，唯有靠你囉！寄居係你屋企囉！比個仔跟呀嫲大囉！我仲有咩話事權呀，講咩私人空間呀！我連自己既生活都要靠你，學咩人幫個仔爭取空間呀！

係我既要求過份，你無錯！

又一次講到人心隔肚皮既問題，你永遠都唔知人地個心諗咩．．．同你講以後有咩都要講出黎，what a fucking wording to make u happy AT THAT MOMENT!　我信架，我咁易氹，咩都講啦！我就是咁無耳性架啦，衰完又唔記得，成日都覺得對人好，自己就會有同等待遇！

或都又係一次關係大考驗啦，屋企人親定係老婆親呢？我要再三強調，老婆人並不是列入家企人．

真係好心傷，連佢都張我既心底話當做武器攻擊我，我仲可以信邊個呀！！