我食乜、佢食乜？？

都接近4個月囉，個肚鑼咁大囉，成個特晒出黎，上星期放左成個星期假，日日都唔係訓就係食，個肚足足大左成吋呀，而家真係有33吋呀，真係肚腩大過咩囉．．．哈哈！

而家都仲未係去到食到開行既階段，食左ｄ難消化既既都會嘔架，但係好左好多架啦，開始食番多ｄ對虾仔有益既野，例如雞旦呀、鮮奶呀、果仁呀、芝士咁囉．不過原來LEE d咁有益既食物我係一樣都唔鍾意食既，日日都係比呀虾仔daddy迫我食架．．．！
不過我都會簡我鍾意食而又有益既野，下面歌ｄ全都係我既主要食糧黎架．



不過今日實在忍唔住啦，口喝到呀媽都唔認得，咁咪一口氣吸晒一罐係雪櫃攞出黎既可樂呀，不過我一面飲，一面就有以下LEE幅圖出現．．．勁攪笑呀！（你地click入去睇下啦，放大ｄ睇會清楚好多架，係我畫架）．

Christmas Party I

公司今日攪聖誕Party， 係九龍站個圓方商場包間餐廳食Tea Buffet同埋有抽獎囉， 跟住就公司請睇"投名狀"．因為往年又冇參加公司的party，今年我又有特別優惠，乜都唔洗負責，所以抱住有得玩有得食既心態去參加，都幾開心．．．但係邊個話陀仔好好運架．．．我一個奬都抽唔到呀．．．＞＿＜（唔開心）！

值得一讚既就係圓方lee個商場，佢係九龍站上蓋．．．姐係D有人錢住既地方囉，咩凱旋門呀，漾日居呀等等等等呀．佢英文叫做Element，幾有心意架，個商場裏面分左金、木、水、火、土幾條通道，有lee幾樣元數，所以叫做圓方囉．

睇完戲係商場行左個圈，發現商場有個玻璃窗，裏面有幾條友，個個都一模一樣，原來係要猜出邊一個係真人喎！心諗：邊個諗架lee D野出黎架，個真人咪好慘，座係間房到，又唔可以動，唔可以轉眼，連吞口水大力ｄ都唔得喎，變態既玩意！

我個頭呀

今日走去剪頭髮，一起身食少少野就即刻去啦，因為知道我幫襯開個髮型師好好生意架啦，平時閒閒地等成粒幾鐘；咁咪諗住做第一個客唔洗等囉．

唔知條友今日係咪姨媽到（個髮型師係男人黎架），應該係姨長到呀，黑口黑面喎，咁我都扮冇野啦，等佢開聲問我想點剪先答佢啦，我話想留番長D，修下ｄ陰咁囉；佢就話不咁同你剪D層次同埋偷薄D啦；咁都好呀！剪剪下發覺唔係好對路啦，點解咁短既，我咪問佢囉，佢話偷薄左係咁架，長度冇變架．．．我都算，諗住夜晚洗頭方便D．．．再問佢：

我：會唔會要攪好耐先出到街架？
佢：你唔整佢都出得街架啦，睇要有咩要求姐．．．
我：（興興地）我冇要求就唔黎髮型屋啦，我黎做乜呀？
佢：剪短D頭髮囉
我：如果我冇要求都出得街，我自己剪都得啦，洗乜搵你呀？
大家都靜晒，全程我塊面黑過個獲，一句聲都冇出，臨走仲要張件外套"發"一聲咁放係張椅到．

我明明話要留番長D,有乜理由仲同我剪到成個男人咁先得架．．．離譜架簡直！

而家（唔記得14定15週囉），睇下我個大肚臍！

唔記得介紹我個friend比你地識添...同我一齊影相個隻叫做"古惑星"，平時都係佢陪我多既，所以比佢出下鏡囉！

過著艱苦日子既蝦仔Daddy

近幾個月都因為呀蝦仔攪到我好多野都做唔到，一放工就攤係到，咩都做唔到．．．連我最喜歡既煮飯仔都冇我份囉．好掛住整蛋糕，好手癢．．．等我精神番一定要從出江湖！！

你睇我個天地已經比蝦仔daddy佔據左啦，而家佢係廚房既時間仲多過我呀．因為大部份既家務都係由佢負責呀．睇下佢係到攪乜鬼，原來係整湯圓．．．有我既精心教導，你睇效果都唔錯架．．．唔食得，起碼都睇得．．．哈哈！

其實呀蝦仔daddy真係好辛苦架，又要返工，放左工又要去老遠既地方返學，長途拔涉咁又要由學校返屋企，返到屋企都成10:30囉，咁夜先食飯，食完飯仲要洗碗，跟住就洗白白訓教架啦，有時睇下電視攪下電腦都要成兩三點先訓架．．．好辛苦呢！ 所以呢，有時佢口黑面黑咁，我都冇發佢脾氣架．．．當做睇量下佢囉

年尾清假

因為年尾要清晒d假，所以陸陸續續都有假放，真係疏乎呀．．．不過，一有假放我都會返多ｄ長洲，因為係長洲有尊人照顧我呀麻．．．hehe!　雖然係悶ｄ，但係有奶奶成日煲豬骨湯比蝦仔補身，又有好多新鮮好味既餸食，人都精神ｄ呀；相反如果要留係屋企，角色就會調轉囉，我就係個要照顧人既尊人囉，要買餸煲湯等老公放工返黎食．．．唔制呀，放假仲要做咁多野，有時間仲要清潔埋屋企添呀．．．打死一個人放假既時候都唔留係屋企呀．．．

可能放左假，休息多左啦，人都精神左呀，仲有精力去行街添囉．想買ｂｂ野，但係又唔知蝦仔係男定係女，ｄ野大減價都買唔落手．大件既傢具都唔敢買，都唔知有冇位放，得個行字！


我都係買番我老本行既野啦－食物！我今早先逗留係super store幾粒鐘，張ｄ野食一睇再睇，最後都係忍唔住要買啦．

而家仲係怕一食即嘔，但係都忍唔住啦，買左先算啦！話晒ｌｅｅ　ｄ平時都係我主要既食糧黎架麻，屋企點可以缺少架．．．不過我諗最後都係益埋蝦仔個老豆囉！




不怕話你知呀，有咁耐風流，就有咁耐XX啦，你睇我幾可憐，而家既零食得番ｌｅｅ　ｄ架炸．．．鹽餅乾、梳打餅同埋水泡餅．因為ｌｅｅ野落左胃會吸走ｄ胃酸，無咁易嘔喎！！


而家望到ｌｅｅ幾包野都嘔呀．．．又無味，食完個口干到呀媽都唔認得！

"生乾精"

唉！話晒都已經三個月啦，點解仲嘔架？？究竟要嘔到幾時呀．．．我唔要嘔到生呀！！

人地個個大肚婆都食到開晒行既，餐餐好以自助餐咁，好以唔洗錢咁任食，唔洗顧後果既，攞正牌大示咁食足咁多個月．我話晒都係大食一族呀，出晒名又大食又貪食架啦，而家比你一獲撬起，本身鍾意既野大部份都唔食得（因為都係Ｄ生野、辣野同埋海鮮），甜野又食餐都嘔，萬試萬靈，可以食得既野又冇胃口食．．．冇陰功呀！！

lee幾日仲冇陰功呀，呀蝦仔連水都唔比我飲呀，我就快變"生乾精"啦，一有水到肚就嘔，平時有熱檸茶送咩都食得落架麻，又可以有止嘔既作用，點知今日連熱檸荼都冇效，嘔埋出黎；一早已經知唔係好對路架啦，食左個包都唔敢飲水架，開始做野，分散注意力，到食飯既時候特登買柸熱檸荼送飯，點知食飽休息既時候，成柸檸荼嘔晒出黎，唔知點解一粒飯都冇嘔喎，你話係咪好神奇？？真係好口渴呀！

哈，你呀媽都不甘示弱，你唔比我飲水，我咪食水果囉，一個下午食左個木瓜，半盒蕃茄仔，夜晚返屋企仲食左三份一個沙田柚再加個奇異果，唔係咩呀，解住渴先．．．不過都仲係好鬼口渴呀．．．唉！！

"有條野"？？

星期六去左覆診，例行檢查囉，不過見到蝦仔，好得意呀！

成個人仔走晒出黎囉，有頭、有手、有手指，有腳同埋ｄ腳指仔呀，全程見到佢係到不停咁搵D手指抓自己個頭，醫生話佢係到不停咁拗頭，同埋隻腳仔好以踏緊單車咁囉，不停動．．．真係好得意！冇時停架．．．跟住呀蝦仔個老豆就話，乜蝦仔咁以佢既，成日用隻手去勃D頭髮喎．．．幾好想像力呀！

跟住仲有單攪笑野，咁醫生已經話冇咁快睇到係仔定女架啦，點知一出醫生房，蝦仔daddy就話佢頭先明明見到條野係隻腳附近喎，成條好大條架喎，應該係仔黎啦．．．我諗諗下，就算係仔邊有咁快有咁大條野呀，我立刻狂笑，因為佢同我講既時候十份認真，仲好以講到個醫生想坤佢咁喎，狂笑完之後諗番再大笑一倫，因為佢睇到歌條應該係池帶黎架，緊係大條啦．如果咁細個已經有咁大條野，咪好得人驚．．．哈哈哈哈哈哈哈．．．傻架，蝦仔daddy!

呀蝦仔，因為怕你皮膚唔靚呀，你呀媽我咩海鮮都唔敢食呀，得個睇仔，我最喜歡食既生野，全部都係得個睇字，冇陰功呢．．．等你出黎，我一定要刷番夠本呀！

好消息呀！

各位你地好呀，小妹有個好消息忍左好耐啦，而家終於可以同大家分響吓啦！

就係我地造人成功啦！而且仲係一擊即中添呀．．．哈哈，真係唔知醜呀！！

咁話說八月到啦，我就心癢癢同老公講，我身體都調理好，應該唔洗再成日睇中醫囉（我幾乎隔日都有飲中藥架，仲持續左成大半年呀，而家聞到都唔開胃呀），應該可以開始我地既"希望工程"啦．咁老公聽到緊係落力ｄ啦，點知係九月已經中左啦．．．咁九月又係我地既結婚週年又係佢既生日，大家玩得開心ｄ都唔出奇既．．．哈哈！

到目前為止應該有１１－１２週啦，姐係有三個月架啦．感覺就係日日都嘔囉，不過蝦仔（我呀ｂ既簡稱呀）都好生勝架啦，只係返工前同埋放工既時候先嘔，等我返緊工既時候都如常運作．

而身型就有改變啦，人地話三個月都未會見肚架，但係你睇下，我個肚幾大個，而家ｄ褲好多都著唔到囉，不過我諗應該有八成係肚腩黎架．．．哈哈！

麤法

因為十二月要應付一個教學考試，所以多學了一些佛法的用語，學到了一些很有啓發性的，就想與大家一同分響．

這個字是由三個鹿字合成的，發音係（粗），這個佛法用語係叫"麤法"；佢既意思係無論你身邊發生任何事情都係由你自身發出的，所謂發生既事情不論是自生發出還是由身邊既人引發都好，發生了就不要把責任推卸到別人身上，所有發生得在你身上的是就是你自身既事，是你自己的宿命．我們應該用轉換既方法去解決而不是埋怨、追究責任、怪責別人等等及把自己既問題放在別人身上．

解說這個道理給我知的會友是一個正在康復中的癌症病人，她告訴我們唔想因為佢自身發出來的病而令她的家人加重負擔，包括係家務上，身心的擔心及疲勞，所以她很努力要祈求自己能夠康復，因為她怕她死了會為家人帶來很多很多不便；縱使在她接受化療期間，她都盡量把她的責任做好，不讓家人擔心及榮心榮力．

我聽了後就鼓起勇氣，每天早上嘔完才上班，因為我也不要因為我自身的身體及生理問題而加重同事間的工作量．反之，上班後天天忙過不停，反而嘔吐的情況都有改善，可能係忙都唔記得要嘔了！唔知咁係咪已經轉換在我既問題呢？？

努力呀，大家都不要把自己的問題加到別人身上，勇敢面對呀，問題就會解決！

Free Hugs Campaign

抱歉！讓關心我朋友久等了，停了好一段時間没有交代我近況了．近來忙著...休養身息，忙工作啦，停左我的蛋糕工作坊，全心全意...休息...哈哈!

今天看到一個很有意思的email，很想同大家分響分響．佢係講一個外國人在街上發行左一個"Free Hugs Campaign"，向當街的途人提供一個免費的熊抱；正確來說並不是提供，而是互相享受一個人與人的交流．其實我很享受外國人那種熱情，很多時候一個擁抱已經可以代替好多好多的說話，尤其是那些不善詞令的人．

我總覺得擁抱比說話來得真，來得舒服；你並不會緊緊的抱著你討厭的人，但你會用美麗的謊言包裝你的說話來討好你並不喜歡的人，身體接觸才是最真切的感受．

各位有看我的日誌既朋友，下次見到我不防給我一熊抱啊！

http://www.youtube.com/watch?v=vr3x_RRJdd4

狗口長不出象牙

公司多嘴的人多的是，為什麼偏偏我遇上？

話說有個台灣同事來香港總公司探訪，十分客氣，總是要為我們帶一些手信，我的同事也不客氣，真的要人家為她們效勞．台灣同事因星期天没有節目，希望與我們相會，但我的同事一聽到星期天就十萬個不願意，好心做壞事的我見要人家為我們的手信麻煩而來到香港又没有人款待，我便告訴他如果有需要我也可以為他主導一天半．
誰不知今天她們良心發現，約了台灣同事星期天來個下午茶，我心想有她們去就好了，我便不用費神也可以省回一個星期天，只多口說句笑那我晚上才約他吧！恐怖的說話就來了，喜歡說三道四的人（正八婆）竟然說我要勾撘那台灣同事，氣得半昏半暈，最令我激心和嘔心的是這兩位同事平時時常好言相向，對我關懷備至，誰也料不到竟會這樣說話，真是狗口長不出象牙．

我的EQ並不高，正在想明天用什麼態度對附這兩隻彼著羊皮的狗或係豬，仲要係無腦既豬，壞話會傳到主角耳邊，真是難以形容．朋友們，你地話搵人打佢地一身還是比顏色佢地睇下好呢？請指教一下.

激死人

有多聰明、多理智的人往往都會因不同的事情而變得野蠻，不可理喻，難以理解；可以蒙蔽一個人的理智有很多原因，例如：感情、金錢、親情、電子遊戲．．．很多很多．

以我這個這麼注重感情的人，一定是與感情有關吧！深受其害的情況是因為我自以為至親的人，因為他覺得他與屋企人的關係受到威脅，而突然向我發難，在他發難的時候，每一句說話當然就會變成武器，狠狠的打倒我，當然兩條眼淚一定出場啦．
兩分鐘後，稍一回神，我已從他那些說話裏清醒過來，感覺到他的說話有點蠻不講理，不可理喻，我開始續一分析他每句說話，與他爭吵起來，越講我便激氣，越是激氣便越是傷心，怎麼我認定那個是我最親的人會這樣對待我？激得我開始感到不適 ，手腳開始麻痺，眼淚開始控制不到，眼皮也好像開不了的，呼吸也開始不由自主地急於起來．．．隔了一會，自己也害怕起來，開始嘗試放開剛才的傷心事，但情況還没有好轉．．．不知在怎樣的情況下我便睡著了，醒來時只覺没有睡過似的皮倦．．．打後數日都是手腳乏力，現在的後遺症就是每當我緊張這些症狀都會出現啊！！我想我要來一次身體檢查！但我真的親身體驗過“激死人”這回事，真是會死人的．

親人＝屋企人？

究境親人同屋企人有咩分別呢？

我仔細地想了一會，我的結論係，屋企人係你最親的人，但是你的親人並不是每一個都是你的屋企人，親人是也不會比屋企人親．

就字面解釋，屋企人就是與你一起居住既人，好像是：爸爸、媽媽、兄弟姐妹；但親人呢？就字面看就是與你有關係的人，就是你的親人，很多老遠的姨媽、姑姐、叔叔、伯伯等她們都是你的親人，但不是你的屋企人．
那麼什麼地方才算是一個屋企？照邏輯的推論，與屋企人住既地方便是屋企，對不對？
在感情上當然會是屋企人的關係比親人深，這個應該也没有錯吧！

我深究的原因係因為，我發現同我一齊住了多年人既人並没當我是屋企人，我想他只是當我是親人吧，那麼我們住的地方便不算是一個屋企了．我這樣的邏輯對嗎？我在替他想這個親人什麼時候才會變成屋企人呢？還是這個人又是另外一種人，没有需要要變做他的屋企人．．．
女人就是這的，一句說話會苦惱數天，為的是什麼？就是因為她們在乎說這句話的人．

這款日式芝士旦榚我已經失敗過好幾次啦，的起心肝再試，過然成功喎，仲一口氣整左兩個呀．．．睇清楚ｄ，兩個有唔同呀！

生活體驗

剛剛從媽媽的老鄉回來，累得雙腳都不再像自己的．．．（明天還要上班啊！！）

媽媽組織了二天荔枝團，我們一行八大三細一起回東莞食荔枝，在我意想不外的情況下，由深圳只須半個鐘就回到東莞了，坐的火車有點得日本的，很快和頗清潔，內地個然發展得不錯，但是身邊的人還是欠一個很遠的距離．．．

我很引以為榮的是我媽媽內地的親人並不是一般人所想那些很貪心的大陸人，雖然他們的環境不是很好，但是他們待我們很親切、很和睦．我被深深的打動是，他們仍然記我上次回去的什麼時候（我想了很久仍然没印象了），上次我是九歲回去的．．．唉．．．足足有ｘｘ年了．雖說家家有本難念的經，他們也有他們的困難，但我仍然看得出他們一家人相處得很和睦．

他們簡樸而刻苦的生活是我很欣賞的，一個家庭月入不到二千元，但仍要供兩名小朋友讀書，大的每年要一萬五千元學費，細的每學期要三四千元，試想想他們平的生活有多節儉．
最可怕的是我們一供運兩顆樹的荔枝出來，重量是難以估計的．．．唉，估唔到我都要用手拉車運貨呀，仲要由羅湖拉到去中環碼頭呀．．．

辦公室垃圾

公司往往都會有些極度黑人憎的小人，我相信個個都會遇到．

但係真係針唔到肉唔知痛呢，今日真係比那此垃圾廢人激到呀．．．噴晒血．以我既性格，我一定唔會忍佢啦，所以係放工前，就黎個火星撞地球，開火啦，丙佢咪丙佢囉，驚佢有牙呀，洗比面，佢都有病架，講起都火起呀．

話說我請了半天病假，第二日上午又去左睇牙，姐係第二日午飯前返到啦，一返到工無耐就吹我交假紙，你知啦，放左日假，百幾二百個email等緊你，一枱都係文件，樣樣都話急到賴，佢又打黎吹假紙；這一刻，無名火起三丈高，咪丙佢囉，冇面比呀！

我本來都好注重同事之間的關係，但係這件事真係好興，公司資源有限，加班無補水，我們從來都没有怨言，站在打工的立場返工遲一兩個字，間中一二天病假，有什麼大不了？我從來都唔認為好大件事，只要她們可能處理到自己的工作，又有什麼問題？


唔該自以為係管理級人員既垃圾好好諗下我地打工仔的立場，唔好忘記你都係打工架，你並係老細呀．．．廢柴！

今次既作品係紙柸旦榚，味道唔錯架，有９成同街賣相似．．．睇住佢焗到漲泊泊，好得意呢！

苦惱

近日心情很差很差，真是壞透了，很多方便都一團糟，雖說難過的日子都要過，但係我完全不能集中的精神工作，對任何事物都提不起勁，真係感受到等日子過的心情．

因住屋的問題，媽媽可能會犯上官司，要別人相信連自己也不清楚自己的財產有多少，總要没可能的．現在祈求的都只是從輕法落，大事化小，小事化無．曾幾何時，我都會把我的居住地方看得很重要，視之為己物，不能失去；但今天水沉眼眉，要攞媽媽的清白來交換，我才知道我可以什麼都不要來還我媽媽的清白．我很真切的感受到自己親人有事的感覺，我真的情願用自己去交換，受罪的是我．

再講家裏有個極難頂的人，她的行為實在太過份，不分尊悲，視親人如仇人，難聽說是没有家教，氣得我媽媽半死．我聽了都生氣了，同時，我很心痛媽媽遇到這些對待，媽媽感到的難受，我也感受到．．．為什麼要受這女人的氣，我也想破口大駡這女人的不是，簡直就係山蕃．

很希望有些活動我可以全情投入，暫時完全忘記我要煩惱的事情！我想是整餅吧．．．看看我的鬆餅！

從喜歡到討厭

曾經有人說“你喜歡這件事、這個人既原因好大可能最終就會變成你討厭他們的原因”，起初也不明白過中的道理，更不太相信會有這樣的演變．很其怪，我在日常生活中漸漸體會得到．


曾幾何時，我很喜歡我現在住的地方，因為每天早上也可以聽到小鳥的叫聲，還在被窩時已聽到吱吱叫，感覺很舒服；但現在因為他們的叫聲，我慘遭失眠的困擾，他們在一清早（約早上六時）弄醒我後，我便無法再入再睡．．．唉，你要知道我零晨一點後才進入夢鄉，真救命！！

其實這個情況很容易可以在感情上看到，因為他的才華吸引到你，令你們走在一起，結果可能係因為他太聰明，令你們分開；又可能因為這個女仔太清純，令你和他一時很自在，結果可能係因為這個女仔太簡單，已經無吸引你的地方，所以分手．

我諗其實是想法的改變令我們對事物的體法改變，但我們的想法一旦改變了，是不可能回去未變的時間．

我的第二件作品 - 藍梅芝士凍餅

我的Fans

早兩星期試過朋友自家制做的泡芺及芝士餅，碰上自己近日又没有精神記託，便跟著她提供的食譜消磨一下時間．由於自己也曾經是整蛋榚迷，所以大部份的工具都有齊，在比較之下，較為喜歡預先準備的心情及制作的過程，與及期待別人的評價．

第一次整的泡芺，只有很少人喜歡（就是兩位對食物並没有要求的家人－其中一個當然是正在發育中的肥仔，小麟；別一位不便在此透露，但在此亦無比多謝他們的支持）．既然還在多餘的材料，再作一次大檢討，再努力多次，哈哈，黃天不負有心人，這次成功得多了，大部份的食客都滿意．

第二次的作品，我本人而言是極度滿意的，當然首要情況就是唔好食都好睇．．．我一睇到個樣都尖尖自喜啦，咁靚既蛋榚我都整到（有相為證）．唉．．．第一個食客竟然給我一盆冷水，攪到我心心不憤，不知怎樣處理餘下的作品．由於心有不甘，第二天自己再試清楚．．．味道又不是太差；切了一半給鄰居吃，再叫住得很近的朋友來試，雖然答案都是不錯，但實在太担心他們只是禮貌的回答；今天再長途拔涉運給住得老遠的妹妹試．．．哈哈，她們很懷疑地望著我，真的是你做的嗎？我心想這個答案一定可靠．

我想如果再找不再我的fans，恐怕以後都不做了．．．没有fans，做出來給誰吃？我會好好考慮把的第一個食客的試食資格取消．．．hahahaha!!

新成員

近來家裏增添了位新成員，雖然照顧他是要花一點心思，日常亦多了些微事務要忙，但亦有他的樂趣，為我們沉悶的生活帶來一點生氣；嘻嘻，他就是一隻烏龜．

有位新同事是個烏龜迷，家裏養了二十多隻不同類型的烏龜，因為實在太多了，照顧不到，就送了一隻給我．本來，聽到養烏龜也提不起勁，我最不喜歡和一些單向生物接觸（在我的概念中，單向生物與死物無異，人也是一樣）．但聽她說她的養龜日誌多了，漸漸產生了興趣，她的養龜方式也令我大開眼界；她每天也會與龜龜說話，與他清潔，選擇不同種類的食物給他們，間中又會帶他們到公園或去晒太陽．起初聽了都呆了一呆？？烏龜是這樣飼養的嗎？？


原來在這樣飼養下的烏龜會互動的，真是神奇啊！！不要想像到他們會像小狗般活潑可愛，但烏龜也會有自己的喜好食物，喜好活動環境及會對不同聲音作出反應，例如，他聽到我搖他的乾糧，他就會伸出頭來，準備開養；每晚我也會放一盆水在廳中心給他炭炭電影聲及在水中伸展一下手腳，猜不到他真的很喜歡這個活動！

大屠殺

實在太多東西是當你失去時才會懷念，今次要回味的是魚湯．以前一聽到飲湯便想反胃，又熱又要飯前飲，灌了一碗熱湯下肚經已飽了半成，完全不懂欣賞它的味道，尢其是魚湯，一面飲一面害怕有細如絲的骨插在你的喉嚨．

不知什麼原因，近年喜歡了飲湯，尢其是魚湯，真是甜的；以前家人說今晚的湯特別甜（心想只有糖才是甜，為什麼用鹽煮的食物都會甜？？）．今時今日真的領略到這個味道，真是甜的. (味雷是不是須是廿年才能完全發育呢？還是我個人問題？發育得這麼遲鈍?)

以前祖母每晚都以無限配撘款式的魚湯作為第一道菜，有蕃茄魚湯、冬瓜魚湯、豆腐魚湯、藥材都可以配魚湯喎．．．但以前的心情是閉起眼飲下去便算；但是今天是極度回味那種味道的．

說回正題，何謂大屠殺呢？就是我打破我的極度害怕的心情 － 割魚．．．煲魚湯．買了一大袋魚仔回來，帶上手套，全副工具，整裝待發，拿起一條條有眼有口有頭有尾的魚仔，用力地在肚上找一個泂，連腸帶鰓一套內臟拉出來．．．極度嘔心的行為！！眼見池盆上一大堆魚屍要處理，係咪大屠殺？

到食飯時，飲一啖自己煲的魚湯，已忘記了中午的屠殺行動了，因為真係好甜！！

牙痛

半年前已經發現口腔內有個牙肉位時常輕輕的痛，的起心肝睇了牙醫，大拿拿花了一千大元作個詳盡檢查，發現没有大問題，只可能有點敏感牙齒，没食藥，没打針．．．乖乖地不痊自癒！

事間半年，又病發，起初只是隱隱作痛，便買了預備敏感牙齒的牙刷，情況時好時壞，但不經不覺都過了一個月．近兩日，痛到已没有胃口進食了，不睇醫生的原因是公司的牙科醫療咭快出了，唉，我想都是等不到了，明天要約牙醫了．

今晚已按耐不住吞了止痛藥，牙痛的範圍已擴散到頸痛及頭痛了，痛得要死呀．．．救命呀，好辛苦，吃了藥都解不了痛呀！！不停地痛，心就開始慌起來，近日有好友發現有淋巴癌，頸部初時也是痛及腫．．．我也有相同的病症啊！！很害怕呀！！

唉，為了公司的醫療咭，把我痛過半死及驚了一晚，真笨！真笨呀！

為什麼我身體每一個地方都有問題，胃病數年前醫好了，打波弄傷的腳跟又醫好了，周身骨痛的症狀己找到治療的方法，加上一年亠次的驗身，洗牙．．．我幾乎一至兩個月就會見一次醫生，給醫生的錢比我每年的強積金供款還要多啊！！！

我在想，幸好不是全部病痛一齊來，否則我的痛苦張會是現在的十萬倍．．．哈哈，又係喎！

小回顧

看看上一次寫的時候已經係數個前既事，真是不明白事情為什麼要一籮籮來，忙得我不可開支，頭昏腦漲．

來個時間倒數吧！

新年當然開心啦，雖然係派錢，但都是開心的．．．既可以選擇自己喜歡的利是封，又可以有唔同的“內涵”比唔同既人．況且一年一次對長輩表達心意，買禮物的時候也特別上心．
可能係好心好報，我收回的利是也不是一個小數目啊！哈哈
但最開心的都是可以見到很多少見的親朋戚友，一年聚一次，多温馨！

放完一個愉快的假期，壞消息立刻送上 － 我的八千字功課不合格．．．要重做呀．．．天呀，一年都寫不到八千字．．．為何要重做？？？
其實心裏有數，這八千字我只花了二晚時間抄寫，心裏只存一點曉幸，一賭運氣. 功課是不應該用來賭的．．．哈哈！
唉．．．我足足花了我儲了半年的假期來完成這份功課，請了一星期的假，打算在有充足睡眠的情況下完成它，可借．．．可能是壓力的原因，發夢也是不能及時完成這份功課，每天也是八點起床，滿腦袋都是功課 － 壓力呀!!
幾經辛苦，終於在上星期完成！！一身鬆晒！！重獲自由啦！！

大休息

香港人每天都是過著黑板而沉悶的生活，終日盈盈亦亦，久而久之，對人生失去樂趣，更重要的是失去了尋找樂趣的能力．

間中，我們也會為自己的生活加一點色彩，但其實這只是苦中作樂．很多時我們只會一窩風跟著潮流走下去，時下流行瑜珈、健康舞、外話、烹飪、健身等等，把自己的工餘時間安排得密密麻麻；在不知不覺中，工餘的節目卻令我們透不過氣，從而我們對這些興趣也生厭了，視之為黑板生活之一，用途也是用來充塞時間．

我們從來没有機會或不知道可以靜靜地坐下來，嘗試讓腦袋空白，不去想什麼，用小許自我催眠，讓我們的身、心都放鬆，給一點寧靜我們的腦袋及身體，讓它在清醒的一刻都有一點空間，真真正正地休息一下，或感受那一刻自己需要什麼．

當我們對任何事情、人物、物件也提不起勁時，這應該是時候給自己一個好好的大休息；當你從"休息"中復完時，你會對身邊的事物重生感興趣，重拾那份對生活的活力．

我們的精神力量也會有耗盡的一刻，我們要為它尋找一個方法補充及重組那團力量．

功不抵過



當"爭霸"講到伍子胥因一時的私心，利用國家的勢力勾結齊國以剷除犯蠡，但反被齊國利用時，弄得滿城風雨，最終更蒙上賣國賊的罪名，獲賜死罪． 一名如此忠心的三朝元老，有開功建國，屢獲勝仗，視國家如己出之心，就算臨死前也教誨兒子要繼續為國效忠，不得因此而對國家有異心，如此忠心愛國的君神為國立的功豈能三言兩語道出；無奈只是一次偏差，需了一點手段（目的仍是為自己國家著想）已被夫差認為功不抵過，要蒙上污點罪名而被賜死．

如此悲慘的一慕令我很苦惱，究竟什麼才是 "功不抵過"? 應怎樣衡量你的功勞及過失？應該用什麼作對比？應該用那一個量詞去表達？

這個疑問令我聯想到公事上的"只要你做錯了一件事，做十件好事都不能彌補"，這樣又是不是功不抵過呢？

在感情上亦有"一次不忠，百次不用"的說法，這又是功不抵過嗎？

如果我們心裏已有一個指標或找到怎樣計算功和過，無論在感情上或工作上都可以找到平衡；當每一次要賜別人死罪時都可以先衡量他的功多還是過多，才下決定！

際遇

為什麼有些人會有事從心所慾，事事順境，相反有些人卻頭頭碰著黑，做事往往事與願為？

A朋友很落力經營她的愛情，但每次都遇人不淑，每次當感情要結束時都哭得死去活來，呼天搶地都要弄個明白那是什麼願因．．．因為她要為下一次戀愛準備，她要把自己的缺點改過，她甚至要把眾人認為女性缺點都嘗試改過來，不希望帶給男人半絲煩惱，不安．仍然，她還是一個戀愛失敗者．不要以為她是個數千度近視、油頭污穢面的女子，她是一個做事很有原質、很有學識、有點少聰明而相貌仍然可愛的女子．無奈，她的遭遇令人嘆息！但是，她在事業方面卻如日沖天，發展機會陸續出現，加上她的聰明、學識及經驗，簡直如有神助，大可在職場上發揮自如．

另外，B朋友的遭遇大大不同，她很努力經營她的事業，事事認真，很為公司賣力，處處找上位的機會，可借她的事業運倒不大如意，無論怎樣都不被上司欣賞，並没有發展機會．在愛情方面，她己有一個與她有很深厚根基的男朋友，對她五體投地，千依百順，但她一心要有一番事業，很多時為著事業而煩惱冷落了男朋友但男友仍然苦苦痴纏．

C朋友結婚多年，雖然事業愛情兩者佳得意，但她仍然有她的不幸，千求萬求，到處看醫生，也求不到一個小朋友．

我在想，是不是真的没有完滿的時刻？

我嘗試用一個比較容易接受的說法解釋，上天是很公平的，它給我們選擇，我們在出生前已為自己選擇好我們的將來．．．這就是我們今天所遇到及得到的．

所以當你遇到不順心的事，你要好好想想，其實你這方得到的已經比其他人好得多了，為什麼還要強求和常常埋怨我得的為何比他少？
“命裏有時終雖有，命裏無時，莫強求”

生命

"人生十分無常 "，說來好像很沉重，很文藝，與我們生活沒太大關係，只有小說裏才會出現．

但這一年確實另我感覺到這句說話的沉重，無奈，那份捉不及，料不到的感覺．祖母是特然離去的，下午在打麻雀，晚飯後說頭暈，暈暈暈．．．就走了，没有半點道別，没有留下半句說話，就特然離開了我們．人離開了真的煙消雲散，灰飛煙滅，前一秒還是活生生的，怎料到這一刻便失去了她？

人大了才懂得親情的奧妙，原來它是一直圍繞在你身邊，靜靜地伴著你，淡淡的在你生活中浮沉，往往在你失去的時侯才會發現它存在的意義，它的威力和殺傷力．離開我們的人，她的離開並不會帶走任何東西，反之她更會為你帶來更多更多的思念與追憶；總會留一個遺憾給身邊的人，不倫你住日付出多少，你總會覺得不夠好或應該更好，所以無論你今天有多懂珍惜，這一度瘡疤都是不能避免的．

歲月會在我們面上留下痕跡，同時也會我們心裏留下瘡疤！

生日快樂

雖說生日年年都有，並不在乎怎麼慶祝，有什麼收獲．．．但是女人的心理實在難於理解，有時真的會連自己也被自己欺騙了．

我今年過得蠁不錯，我重視既朋友，他們也重視我，我收到很多祝福，都應驗了，因為他們都祝我”生日快樂”．．．我那天碓實很快樂．生日那天也就是你收友情成績表的一天，記得你生日的朋友會有一刻感到今天就是你的大日子而給你一個祝福，雖然只是一個短訊或是一個不足一分鐘的對話，但碓實能大大地發揮它的作用．．．給我感到溫暖！！

有點花絮，我看了”生日快樂”，當古天樂唱生日歌時，我嘴角也微笑，我覺得好像是唱給我聽．老套的事情真的會教人心動．．．可能我太頭入了．一駒令人好感動既愛情片，情節好細緻，描寫得好仔細，很久没有戀愛感覺的我，也心癢起來，如果再給我戀愛機會，應該要好好享受過程，不要太快到達終點（>_<）故事好悽美，看完了三天還在回味過中的情節．