爸爸生日快樂

剛剛昨天就係老豆既萏曆生日，咁我就約埋佢地出黎食餐飯，今年多左位新成員，真係開心好多呀．本來就只有我地一家五口加埋表妹猫記，估唔到家琦、家琳毛端端又可以join到我地食飯喎．．．真係熱鬧啦！

今年爸爸既生日多左個孫仔同佢慶祝，佢一定好開心！平時叫佢出黎食餐飯佢都懶惰既，而家有借口話帶埋個孫仔出去行下，佢就心今命抵啦．

其實我地家庭成員小都幾悶架，好多時食飽又唔多話題喎，就算多左個女婿都係咁啦，個個都係成年人．．．邊得黎咁多野講呀，而家就唔同啦，講下個孫仔，講下個表妹，講講笑笑．．．好快又一晚囉，氣氛又熱鬧左好多！仲要多謝兩個呀妹咁遠都出黎同伯伯慶祝生日啦（你地都知伯伯幾鍾意熱鬧架啦）THX！

我在柴灣的日子

嘩!!一有機會話可以帶埋仔仔出柴灣住喎...仲唔三十六仗走為上仗呀！歌一刻真係開心到好以從獲自由咁呀！

雖然一個人揍住呀仔係攰D同辛苦D(第二日帶完呀仔出街攰到病左呀,千其唔好話比人知呀)，乜都要自己黎，又困身，又做唔到其他野，但係都係開心既；因為可以用我自己既方法照顧佢，一日廿四小時都係我視線範圍...感覺好幸福同好開心呀!(開心到爆炸呀,攰到死都抵呀)

你地睇下我地係柴灣幾咁HAPPY (>_<)

我呀爸同呀媽成日話有人幫你揍住呀Ｂ不知幾好啦...佢地以前張我交左比呀嫲嫲揍，一句都唔過問，不知幾好呀，叫我學下佢地喎...(我心諗,咁唔負責任既野都講得咁口響既...有冇攪錯...無良!)其他佢地錯過好多好多仔女成長既過程的樂趣架!

唉...而家時代唔同架啦！要親子呀，要多Ｄ同小朋友接觸關係先好既，而家有錢既人先會辭左份工全力照顧仔女架，相返只係無足夠經驗能力既人先要把仔女交比其他人照顧既(好以我地咁)！

個仔係邊個既呢?

我老爺同奶奶當左我個仔係佢地個仔，攪到我好抑鬱呀！

-成日爭住抱BB(明明我包緊，一返黎就係我手搶住抱）；

-我又唔可以用自己既方法去照顧BB，我唔想成日抱住個仔訓，佢地(老爺奶奶)就偏偏鍾意抱住佢地訓；唔想佢地抱住訓既原因就係一到夜晚(11點會倒啦)佢地要休息既時候就會比番個仔我(大佬你要休息我都要休息架,你日頭抱住佢訓,我夜晚點呀,成晚唔洗訓呀);

-想同BB洗白白又唔比，又話乜又話七；唉！到而家有得同佢洗下白白啦，佢又成日入黎攪住晒，我跟本冇時間同BB獨自相處

-最惡頂既野就係，我想帶個仔出去自己屋企住都話唔好喎。頂呀，而家個仔係你定係我呀？！激到我呀！

平日已經好少機會同個仔相處架啦，而家連個仔既話事權都唔係我到，你話我抑唔抑鬱呀！其實我因為LEE件事流左好多眼淚架啦，真係十萬個想帶個仔返屋企住呀！

究境邊個先係我呀媽呀?


Bondbondclub:我知你會睇我個BLOG,唔該你睇完就算啦...(如果唔係我就冇地方舒發我既不滿架啦!)

打針針

峰峰終於係上星期去左打針同埋磅豬仔..

今次成績都唔錯呀，有成10.8磅！（佢出世呢就有6.6磅，第一次磅呢就有7.2磅，而家個半月呢就有10.8啦！！繼續努力呀仔仔

磅完豬仔就要打針啦，個環境都幾恐怖架，叫名入房，然後姑娘就叫你幫BB露隻比仔出黎，捉實佢唔好比佢亂旭，跟住佢就準備針藥...見到都心寒呀（你知啦，醫院D冷氣又凍喎，見到BB露隻比仔出黎，又見到支針...)；我都另轉個頭...唔睇好過；跟住就聽到個仔大叫一聲＂嘩＂...咁姑娘就話走得啦! ==" (HEHE...係嫲嫲抱住佢打架，唔係我呀）

有塊紗布包住個針口囉

有名份啦

"成日都叫個仔做BB BB，乜佢冇名既咩..."

唉!幫個仔改個名，你估咁容易呀。個仔雖然係我既，但係佢又係呀公個孫，又係呀爺個孫，又係姑媽個姪子...佢又話要咁樣咁樣，第二個又話要點樣點樣...九萬幾個要求...真係左右做人難呀!

不過我(只係我既意思，佢老豆係點冇表示過呀，一時又話比呀公改，一時又話比呀爺改...）其實一心都諗住搵相士改架啦...所以佢地講乜我都係左耳入右耳出...真係意見接受，態度照舊！！

最後我地簡左｛譚璟峰｝LEE個名比個仔。我幾鐘意架，睇景緊係上到山既最高睇架啦...個名都幾有意思呀！改左名就幫個仔仔攞埋張出世紙囉！

多謝晒

BB出左世，名方好友包括爸爸既朋友呀，媽媽既好友呀、親友呀、同事呀等等都黎睇下BB，探下媽咪，你睇下幾多人鍚BB。

BB收到既禮物多到呢...有好多好多好多既尿片、利是、同埋媽咪要求既濕紙巾、仲要衫仔...同埋好多萬寧禮卷（因為佢地唔知BB食咩奶粉，所以送禮卷比我地買囉，而歌隻奶粉暫時得萬寧有得買，所以咪益左萬寧囉）

吹波ＢＢ

兩至三個星期前




現在（五個星期大）雖然BB只係食左一罐奶粉(其餘係食人奶)但係用左好多尿片，你地睇下...幾利害！