滿月啦

不經不覺又一個月囉，BB又滿月啦（姐係話我既產假又少左四個星期啦）！
雖然唔係咩大件事，但係都我地長洲頂頂大名既華威酒店擺左幾圍大宴親朋，你睇當晚幾熱鬧...BB當晚幾叻叻呀...好多張相都爭大眼仔架！　　

　　　　　　　

該燴囉

話說打完風都有好幾日雨落下,屋企D衫緊係唔乾啦!
你睇呀...呀嫲嫲張呀BB張搖搖椅當左做晒衫竹...


睇清楚D...原來係係放左兩大條爸爸既底底呀...仲放正係比比既搖椅頭到添喎...真係該燴囉!

矛盾

"在生命巨輪中,孩子永遠不會屬於父母!孩子由出生的一天起,他的成長路也是一條離開父母的路!父母必須把握今天享受與孩子相聚."

"孩子要倚賴,父母郤要求他獨立;孩子要獨立,父母卻不容許他"

本來成日唔想BB扭人抱,想佢自己可以乖乖地自己訓教...自己訓係床到睇下野...唔想寵壞佢!
但係睇左本書...佢咁講,我既諗法又唔同左.係咪而家有得抱好抱啦,到時你想抱佢都唔比你抱呀...

"炭精"

咁細個BB仔就成個炭精咁,你睇佢食奶既時候...喬晒腳,又附實晒咁係到炭奶...

海棠春睡

如果BB唔扭計,訓著左都好得意架.你地睇下佢人仔細細有幾多個睡姿...

BB好扭計呀

剛剛返屋歌幾日比比都算乖,食飯就訓,間中先扭下計要人抱...半夜還可以啦!

不過可能成日比人抱住,而家曳左好多呀,成日要人抱...有時仲要人一邊抱住佢,一邊行,仲要搖下攪下,有時仲要你講埋野比把聲佢聽咁呀(多謝爺爺同公公好介紹囉...種壞晒囉).

而家晚晚都好以當間咁呀,一訓落牀就想天光...因為都唔知條友仔會唔會成晚扭唔停!(好似有夜間恐懼症咁)

你地睇下佢哭歌時個樣幾得人驚!

生左啦、生左啦！

28號一早入去催生，晨咁早就入去啦!起身歌一刻都驚驚地，好以入院受死咁．．．

聽老豆話記得食飽ｄ先入去，（佢地ｄ老人家話怕生歌時冇力喎），咁佢建議食盅排骨飯先，咁我就好聽話咁鯨吞左碗飯先入院啦！入到院先知大獲．．．我有血糖高既記錄，一check之下，血糖超標，姑娘問食過咩呀．．．一盅排骨飯．．．成班姑娘即刻笑住講：你怕無得食呀！

檢查左一論之後，首先醫生幫我穿左洋水先，跟住就大約8:30就開始吊催生水．開始既時候都冇乜反應，仲可以同老公有講有笑．大約一兩點到就開始痛到唔係好受控制啦，姑娘檢查完之後先話開得三度．．．歌一刻我已經決定要做無痛分娩，唔知好彩定唔好彩啦，個麻醉師要兩三個鐘後先有時間幫我做，佢到病房既條好以己經係四五點囉．．．歌時姑娘話我已經開左五度，跟住歌五度應該會好快，所以建議我唔洗做囉．

跟住歌兩個鐘老公又唔係我身邊，因為對有個媽媽又生得，所以老公要係出等，歌兩個鐘我就自己係產房努力（其實歌兩個鐘如果老公係度都唔會有好大幫助，因為一先到佢就想哭，所以佢唔度我反而更堅強，因為我知無人會理我）．

7:00 好痛好痛好痛．．．深呼吸都幫唔到，要大叫，叫左幾聲又比姑娘丙，認住唔叫
7:20 但真係忍唔到，再又叫幾聲，姑娘一檢查就話可以準備．．．
姑娘教我呼吸及用力，試用第二次BB個頭仔已經出左黎，再用多一下力，BB成個已經係我肚面，歌一刻真係成個人都舒服晒．．．你地睇下BB!

大肚婆返公靚靚look

大肚歌時又唔著得高跟鞋,又冇腰,個人又肥...唉,其實都好難可以打扮得好好地見人既.
不過我都盡力挽救自己個look,放得出黎既相我都覺得可以接受.所以都係個網留番個靚靚大肚look做留念啦!