人格分裂
點解成日都咁興呢對住個老公，因為我真係發現佢有問題架，佢應該係人格分裂．．．
點解咁樣話佢呢，原因係佢成日應承左人地既野，中途會變節架，勁勁勁得人驚呀！
話說呢我每個星期日如果冇特別野做都會去個朋友屋企打牌既，咁上星期老公就好好咁話一齊去啦．咁好啦，去到呢佢就睇佢最喜歡既電視啦（當時係做緊奧運籃球賽），我就打我既牌啦，過左冇耐，佢就開始有ｄ問題，毛端端坐係度黑口黑面．．．咁我緊係當睇唔到啦．．．由佢！到夜晚食飯既時候仲黑．．．仲好似比埋面色我呀爸睇添．．．火都黎埋！
大佬呀，你平時都係唔鐘意跟我去打牌架啦，而家又係你話要去，咁咪去囉，去到又毛端端黑埋塊面．．．仲要比埋面色我老豆睇．．．頂，你係咪有病呀，激死我呀！
其實唔止一次架啦，試過好多次都有類似既情況架！
好多野佢自願應承左去做，一路做就一路發脾氣；我呢就最憎睇人面色既，要我睇佢面色呢就世係假，所以我什少求佢做野架，免得要求佢既時候要睇佢面色呀麻．．．
有時我唔開心既原因都係因為，我唔可以事事都靠佢呀，有時會好辛苦囉！
有時我都會好似呀蟲幅畫咁講，互諒互讓但係明明係佢自己應承既野，佢又要發脾氣，我又要睇佢面色，我邊得黎咁歡容黎諒解佢呢！！
