大獲啦！大獲啦！

自發現有左三個月起已經開始搽預防肚紋膏架啦，因為好驚會有肚紋，同埋我仲係打算會著兩件頭既泳衣．．．hehe!

晚晚都係臨訓先搽架啦，係我搽搽下既時候，比比爸爸話，你個肚下面歌ｄ咩黎架，一條條紅色既，我話邊度呀，冇呀（由於ｄ紅色野係個肚dum既最下面，以我今時今日咁既身世，邊會睇度喎），邊度有喎，係咪污joe左呀，唔係喎，都唔luck既．

大獲，一照鏡先發現係肚紋，立刻晴天霹靂，點解會咁架，再左照照，右照照，原來兩邊都有，點算！可能佢生既地方我睇唔到呀，所以我都唔知佢幾時出黎既．．．唉！都唔知仲會唔會luck添，唔開心呀！陀左呀比都成八個幾月架啦，點解臨尾先出事架．．．！

新LOOK!

好耐都冇upload過d相比你地睇，比ｄ私人珍藏你地睇下啦．係咪好正呢．．．．hehe!





我就剪左個東菇頭，扮下小朋友，咁我諗住lee個髮形容易d襯裙仔呀麻，而家成日著裙囉，因為好熱呀，直情想唔著衫添呀，條褲頭cool到個大肚腩鬼咁癢．．．

唉，而家已經唔係好行得啦，成日抽根，試過行行下兩隻腳一齊抽呀，都唔知點算，幾狼狽呀！

而比比爸爸都係咁啦，成日都係屋企做運動，你見到既就係佢係屋企既運動look啦．．．勁好笑架，帶個頭cool,上身就係咁，然後下面就著條訓教褲(勁短），加對短藏仔，白鞋，諗下都好笑啦！真人真係勁勁勁攪笑架，可惜，佢已經嚴禁我post lee d相上網啦，你地自己幻想吓啦！　

住家男人的本色

話說我成日都鐘意叫老公放工後買lee樣、買歌樣反屋企，因為如果佢唔洗反學，佢係會好早返到屋企既；我叫得佢買既野緊係全部佢都有份用、有份食架啦，例如：廁紙呀、生果呀、今晚要煮既餸呀．．．（咁我夜放工呀麻，返得去都天黑囉）

久而久之，佢就會變成咁啦：

老公怒氣沖沖咁同我講：我以後都唔幫襯下面間歌間雜貨鋪呀，歌條梅菜呀，丁屎咁大舊都要收我三蚊，我話比佢知下面個街市二蚊仲大舊．

老婆：咁老闆點講呀？

老公怒氣沖沖咁同我講：佢未答我，我已經話唔要啦．
（比著我最多下次唔幫襯姐，都唔會好以佢咁）

佢繼續係到講：條友上次都搵我笨架啦，買支細麻油都收我十幾蚊，邊洗咁貴呀，超市都唔洗啦，尊搵我笨．

佢以前成日都話差小小咪煩啦，又唔係差好多．．．haha　佢知道日常既開支啦，lee度又係錢，歌度又係錢，佢都變左個司拉仔囉！

你睇下，佢連去飲都攞左幾枱既橙返黎呀，佢話：十蚊三個，lee度都幾come計．．．haha!

仲有咩比戒口辛苦呢？？

Long Time No See
整個三月都好鬼忙呀，所以咁耐咁冇update我既近況比大家知呀．

因為係醫院驗到血糖高喎（其實姐係有d係大肚婆糖尿病），咁就要成日返醫院檢查囉，話就話一個星期一次，但係都好鬼煩架．．．忙過返工呀！又要兩個鐘前食左返先，又要留定d小便返去驗．．．唔洗做咩！！

毛端端驗到d咁既野真係煩到嘔呀，又要面臨我人生中最大既考驗　－　就係”介口”．天不怕、地不怕，最怕戒口，冇野食，仲要介到正，甜野、碳水化合物既野一一都可免則免．大佬呀，甜野不嬲都係我既第一生命黎架啦，再加上麵包、蛋糕通通謝絶，簡直係晴天霹歷呀！

你知啦，而家食量好鬼驚人架麻．．．食飽飯半個鐘到又好以冇食過野咁喎，有幾次為左食野仲同比比爸爸吵大獲添呀！佢都唔明白既，人地真係肚餓架麻，lee樣又話唔好食，歌樣又話唔食得，一d都唔體量下我架，簡直係過份呀！