今日無聊時打開左朋友既BLOG，雞咁大隻字寫住　"我係唔會放棄寫我個BLOG!!"　即時感到非常慚愧...因為我真係好似放棄左佢咁呀＝＝！

因為Facebook實在太方便，好多時都會第一時間表達左自己既感情，所以都無留黎放係BLOG度．不過我漸漸都覺得Facebook都唔太好用，因為太多人係到啦，講說話唔太方便呀...講屋企野又會被姨媽姑姐知道，講公司野又會被同事知道，所以都係無得表達既．但係放相既功能就一流好呀，超鐘意睇想同儲想既我，都係超鐘意"面書"呀，讚！

唔知係咪人老左呢，連我都覺得元旦無乜特別呀，往年我都好興致勃勃，攪攪新意思架...但係今年，可能真係近諸者赤、近墨者黑，近得我老公多，乜都無興趣，又唔覺得有咩值得高興喎，所以一早就訓左教啦（仲訓得超林添喎）可想而知我都覺得自己真係唔太在乎lee d大日字囉...點解我會咁唔在乎架！！（我仲想要一顆年青既心呀）