母緊抱2小時澳早產夭折嬰復活

澳洲發生一宗醫學奇蹟，一名被醫生宣布死亡的早產男嬰，在母親貼胸緊抱兩小時後竟然奇蹟復活。逃過死神的男嬰現已五個月大，健康活潑。

這名締造醫學奇蹟的神奇早產嬰是杰米，和姐姐埃米莉是一對龍鳳胎，在母體內孕育二十七周，便急不及待出生。埃米莉雖然存活，但杰米出生後情況不妙，毫無生命氣息，到二十分鐘後，便被醫生宣告死亡。

但母親凱特鍥而不捨，一直緊緊懷抱著只有兩磅的愛兒，捨不得放手。

凱特又特地脫下袍服，讓杰米貼在她胸口，她和丈夫大衛不停和杰米說話，告訴他如何幫他取名，又說他有個姐姐，並指父母已為他訂下種種計畫。

凱特還用手指沾了母乳餵杰米。

一開始杰米完全不會動，五分鐘後，他數度喘氣，但醫生認為只是迴光返照。但未幾杰米喘氣愈來愈頻繁，兩小時後，他睜開眼睛，且抓住母親的手指，開始規律呼吸。

激動的凱特立即呼喚叫醫生，堅稱杰米活過來，醫生也嘖嘖稱奇。對於兒子死而復生，凱特夫婦欣喜若狂。

世事還有什麼不可能？？？？

小比攪笑對話:

小比：媽咪抱抱
媽咪：媽咪無力喎
小比：媽咪出力啦
媽咪：....


小比：要去百街／惠康呀
媽咪：都無野要買
小比：有呀，買雪榚呀
媽咪：屋企有啦，都未食晒
小比：買維他奶呀
媽咪：屋企有呀，都未飲晒
小比：我要去呀百街買野食呀...(發難)


一早起身開格車
小比：Go Go Go
媽咪：咁早去邊呀
小比：去公所
媽咪：咁早去公所做咩呀
小比：打麻雀
媽咪：...!!!!(仲難賭過我)


小比：媽咪，要食糖呀
媽咪：又食咩糖呀
小比：要食leelee邊糖糖呀（jelly beans)
媽咪：無晒啦
小比：（諗左一陣）...要食硬糖呀
媽咪：咩硬糖呀？（食糖都咁有要求...暈)
小比：要食瑞士糖呀
（估唔到佢識咁多．．．糖）


一個星期前
媽咪：返學老師有咩講呀？
小比：（好認真咁諗左一陣）hi yo（隻手仔係到擰下擰下）
媽咪：係咪歌黎架
小比：（無回答，不了了知）
昨晚
媽咪：今日返學老師講咩呀？
小比：hi yo（隻手仔係到擰下擰下）
媽咪：又係唱lee首歌呀
小比：（好認真咁再諗一下）hi yo呀
媽咪：（我都好認真諗多次，乜有首咁既兒歌既咩... r晒頭）
小比： hi yo呀
大家深思左一陣
媽咪：wahahahahah.....應該係hello呀（因為佢個老師係鬼婆黎架麻，唔會講"哈佬"架麻，捲捲地脷咪 hi low囉）
全房大笑左五分鐘，小朋友真係攪笑呀，咁樣模仿鬼佬講野．

香港人就連新聞都要...炒呀炒呀...有乜為呢?

夠啦夠啦，去到邊都係講緊菲律賓單野．．．
係，佢地係好慘，但係都發生左啦，大家除左悼念、同情、憐憫、悲哀之外，仲有其他野做呢？
日日係咁睇住d傳媒從覆從覆又從覆，點呀，對大家有咩益處呀，又或者大家見到咁悲慘既事情，大家又做左d乜呀．

Facebook大量既資料搜集員，一有咩大發現就第一時間Post出黎，查根究底、比你搵晒咩原因、點解咁做、咩情況下發生、發生既時候又點樣、政府既處理手法是否恰當、生存既受害既處境有多慘，咁又點呀，大家除左滿足自大家既好奇心還好充份表現到自己好關注時事之外，仲有無其他目的呢？仲有無其他更有建設性既野做到出黎呢？
終日係不停既批評人家既處理手法，不停搜集生還者既生前美好生活和現在既慘況對比，不停埋怨菲律賓既警察有多無能...不停批評、批評、批評、埋怨、埋怨、埋怨、煽情、煽情、煽情，請問對大家有咩益呢？

事發唔係好耐，但我覺得已經好似一個世紀咁耐，因為無時無刻都講緊、聽繄、睇緊lee單野．已經去到一個煩厭既階段啦！

大家話我冷血都好啦，真係日日都咁多人死，咩事要報到到咁爛先，就昨天同樣有單好慘既新聞：一名單親媽媽只從事６千多元既清潔女工獨自養大一對仔女，在灣仔比一個重６百磅既招牌特然掉下當場壓死，邊個話佢唔慘呀，有無人同情過佢呀，佢對仔女咪一樣係一夜之間變成孤兒，點解又無人如此憐憫他們呀？

係Facebook我最欣賞既Massage：
無論怎樣，「現在」取決一切。我們由現在起繼續埋怨還是由現在起好好教育下一代正確地面對生命吧！在這地球上還有很多國家欠缺正確的教育而發生很多悲劇！我們隨了祝福以外還可以幫助身邊的人正面地生存下！

拜託大家做番d"正經"野啦，唔好再攪咁多無謂呀！　

暑假親子遊

北社公所攪左個昂平貝澳一天遊，公公誠邀我地出席，我地緊係一齊出去玩下啦．


結果一個程氏家族已經坐左一張枱囉，真係開心，再加埋特別嘉賓－妹妹，真係非常熱鬧！


帶住兩隻小妖怪，真係幾辛苦架，但係就好開心囉．歌日天氣真係超好，好到過晒龍，萬里無雲，姐係曬到嘔啦．


用左大約一粒鐘行左上"深經簡林"，可能耐無做運動，都幾辛苦架，不過都唔夠爸爸同公公辛苦，因為佢地要抱住兩隻豆丁行．上面真係景色嫵媚呀，望著好宏偉既簡林，一面無際既海景，遼闊既天空，真係人都精神好多，另人既心境都廣闊左呀！玩下、影下相好快又要落山囉．



食飽飽又再出發啦，行左一條無遮無掩既萬里既長堤，沿途既風光真係唔錯既，海天一色好有東南亞feel，又有海風喎，真係曬燶左都唔知呀．


熱成咁真係無乜心機行貝澳呀，結果就每人比$20出海吹下遊下船河囉，話就話帶我地去睇粉紅色既海豚，實質緊係睇唔到啦，不過大熱天時出去兜個圈吹下海風都好爽．


真係好珍惜成家人一齊去玩呀，對上一次應該係同埋嫲嫲返大陸玩囉；人生真係充滿著好多無未知之數同埋無奈，我地現在這一刻要做既真係好好珍惜我地擁有既人同事．

Happy Weekend

今個星期好滿足呀，因為可以坐得舒舒服服咁食個Lunch，然後行下我最鐘意既市集，好有旅遊feel既weekend呀！

話說講左好耐都無去既赤柱，終於可以出發啦，係毫無準備之下，起身就話去囉喎，因為怕多人咁咪一早就出發囉，早餐都係買兩個麵包上小巴食，勁有小學旅行feel呀．．．haha.
去都都已經曬到不得了，不過經過上星期去過寶蓮寺之後，已經唔怕曬囉，因為已經曬到黑晒lu．可能以前拍拖成日去啦，去親都好有親切感：i like Stanley！

係車係左麵包又唔記得買野飲，小比係車已經係咁叫：要買d野飲呀．一落車見到Watson又提多你一次，我話無野啱你飲呀，佢又提多你一次：要買d野飲呀．唯有去百街買囉，因為已經好多一天遊既人係度買野，所以都無心機行咁大間百街囉，買完就走．點知比佢見到間"卜卜店"，又入去攪左一大輪，不過歌間野真係好多書啱佢睇，今日唔想行書店呀，下次再黎過啦！

然後就去左搵食啦，唔知爸爸點解今日唔做慳仔，肯入美利樓搵食喎，仲去左間德國餐廳食lunch buffet添，我緊係開心啦，坐得舒服之餘又有野啱我食，間唔中豪爽下真係爽呀！食飽就行市集啦，主要都係睇小朋友衫囉，大家人真係唔太啱．

赤柱果然係我喜歡既地方，有間體育館（小比開大都係體育館既殘厠攪掂，設備一流，厠所超乾淨）；仲有一間圖書館，我行市集時，爸爸就同佢係圖書館睇卜卜，小比仲參加左個Story Time，老師送左個貼紙比佢不知幾開心呀！

最可惜呀，無帶相機呀！一幅靚相都無呀！都好，有個藉口比我可以去多次！！

黃金救援時間

很特然的病當發作既侯係會有一個叫做黃金救援時間，何如心臟病發既時候，首4分鐘係極為重要的，救唔救得番都係睇歌幾分鐘；又例如，隻手指斷左，如果過左黃金救援時期就駁唔番架啦．

唔知愛情有無黃金救援時間既呢？當一個人就快要心醉或者"好想"死心既時候，在重要關頭得唔到應該得到既搶救，係咪會死呢！

以我經驗，係唔會即死既，只係會張免疫能力減低囉，下次再好想死既時候又得唔到搶救的話，又會再張免疫力減低d，終有一天係會全個心都醉晒或者死左....hahaha.講到好似笑話咁！唉，其實講黎講去個經歷又唔係我，唔知係佢覺得結左婚唔洗再氹我呀，定係次次我發脾氣都係我唔啱呀定係佢已經唔愛我......嗚嗚嗚嗚，我呻下姐，眼見好多結左婚既夫婦都仲好似好恩愛咁架喎(表面上)，點解我有種感覺，我已經好以去到呀爸呀媽歌個階段咁既呢？好彩而家有個仔鍚下我，氹下我，如果唔係我一早出左去勾佬lu....wahahaha!!



~~小比你大個左千其唔好拋棄媽媽呀~~

唔開心

近期真係唔太開心，唔關個仔事，唔開公司事，姐係個老公出事啦．

其實我真係唔記仇架，我坐係度諗左一陣都諗唔到我上星期咩因咩事唔開心喎，只係記得上星期有唔開心過囉，不過好快又睇開左，無唔開心．

其實我只係想講，我都係一個好普通既女人，我對愛情仍然有要求是無錯，如果我只要家裏多一個普通成員，我根本用不著要結婚，我很多朋友都時時來我家作客呀！
我選擇結婚係希望大家有共同目標，可以共同生活，可以多一個人愛我，多一個人氹我，關心及照顧我．

人係會惰性，但都唔係藉口，要去維持一段小質40年，多質6、70年既婚姻，點可以懶呀？可能只有女人先會用咁浪慢既想法去諗婚姻吧！


有情萬皆可愛，
相反就是無情萬物皆可恨，
如果有一天真的覺得萬物皆可恨，
我不要活了！

小比攪笑對話:

睇到個好瘦既人就會講:
小比: 瘦瘦
媽媽: 點解咁瘦架?
小比: 唔食飯, 唔飲奶奶
媽媽: 係呀
小比: 唔食壽司會瘦瘦
wahahaha(近來愛上回轉壽司)

爸爸: 豬峰
小比: 豬爸
爸爸: ......
小比: lee個豬媽
媽媽: 我係媽咪呀, 唔係豬媽呀
小比: 豬媽, 仲有豬burn(Barney)
wahahaha(幾時全家改晒姓)

一早起身
媽媽: 開奶奶食好無?
小比: 唔好
媽媽: 咁食咩呀?
小比: 食雪榚
媽媽: 咁早唔可以食榚架
小比: 食完奶奶食雪榚
媽媽: ......(成日講數)

基本的禮貌

大熱天時真係郁下都出晒汗呀，我由金鐘行到碼頭整個背脊都已經濕晒，仲要係太陽都落左七八成啦，都係咁鬼熱；可能係長時間都係室內工作，唔特別討厭夏天，仲幾鐘意添，感覺好有活力呀，好舒服呀，舒服在於熱既可以開冷氣，個身涼左可以街出去晒下太陽；坐沙灘雖流晒汗，但係D風吹埋黎又好爽喎，熱得緊要又可以跳落超冰涼既海...諗下都超爽呀＠＠

但係呢，成日係巴士、船，lee D咁密封既地方問到超臭既汗味呀！！真係臭到人會暈架大佬，仲會嘔添呀！！有時諗下都覺得D公共交通既坐位真係充滿左好多好好多好多菌架，D人咁鬼臭坐落去，張登吸唔到D汗都吸到D味啦，諗下都想嘔呀！

唔係話出汗有罪，但係大家都應該顧下一D基本既禮貌啦，出街做野既，帶多一件衫換囉，濕完又乾，乾完又濕，實臭啦，換又佢咪好D囉；放一支細細支既香水係袋，實有用架．一個較為注意自己外表既人點講都唔會比自己臭到咁係D共眾地方出没既！

有壓力未解決

近排情緒有D低落，好似事事都不如意咁．返工又提唔起勁，放工又唔想返屋企，但係好掛住個仔，無奈都係要返架啦！堅堅又事事都頂撞我，我覺得好煩呀！我都有諗過係咩原因架，可能係：

好想返柴灣，因為歌度係我屋企，鐘意點就點，落街行下又方面；係長洲無乜地方好去（因為天氣唔好掛）；我地間房真係好細，成日都無位擠野，日又汁，夜又汁，汁黎汁去都係咁，打破唔到一個悶局，覺得好厭悶．總之就係唔係好想留係度啦，真係無乜歸屬感，個人都坐唔定既，一靜落黎就想離開，去太婆到、去四嬸到，去邊度都好，就係唔想留係度；其實我都唔知點解！

雖然係狗竇，但係話晒都係我屋企！


天氣好濕熱，呀仔D皮膚又出疹，好戥佢辛苦因為勁痕；比人揍就係咁架啦，有咩都唔出得聲（其實我都知呀嫲係鍚個孫仔既，但係有時我都要發洩吓），有乜理由30度都仲著兩件衫，攪到個背脊起晒汗疹架，有乜理由用咁小餸黎煮飯仔架，佢唔食都可以理解啦！有乜理由你比野佢食又得，我比小小野佢食又係度比說話我聽呀，成日要控制住個仔食幾多野，食完奶又唔可以食麵包，食完飯點解可以食雪樣呢；我已經唔係好滿意架啦，堅堅仲成日係耳邊煩，叫我唔好比li樣呀歌樣呀佢食，我心諗我咁多不滿都無正面話過你屋企人，我叫你出聲你又唔出聲，倒番轉頭又黎煩我，我境崖高既時候都可以當佢唱歌，境崖低既時候我就係咁架啦！壓力保都會爆炸啦！

世風日下

暑假又到啦，長洲多左好多青少年黎度假，連平日都好似假期咁擠迫，就連我夜晚去東灣跑步都多左好多人，一對對小情侣去東灣曬月光，真係唔錯既，既浪漫又慳錢...haha.

不過尋晚竟然比我見到一對情侣訓左係沙灘，正確應該係話"踏"住訓係沙灘，個女仔係個身到拉左一個黑色物體出黎，我無眼花既應該係一個黑色既Bra...當時即時想停低企係度睇下咩事啦，但係又好似好尷尬咁喎，都係留番比堅堅做啦，一度跑一度話比佢聽，佢當然係跑慢ｄ係度望野啦...問佢望到乜，無喎，無除褲喎！＝＝！睇四仔咩除埋褲！

小情侣無法無天，拖下手、鍚下咪算囉，仲要除埋Bra，仲要係咁露天既地方，真係無眼睇！
路過既人，咁激烈既場面仲唔夠，仲想睇埋除褲，更加無眼睇，哩個咩世界！

對人唔係對事

我真係無言以對，由始至終你都一個咁殘酷的人，你每次處事的做法我都唔認同既，我只係無奈！

更奈何就是你是的父親大人，我又可以怎樣對等待你呢？雖然我極度不滿、極之厭惡、完全唔可以接受你既行為及想去，但．．．以我同你既關係，真係無辦法直斥其非，拍枱指責你既無良心行為．

我之所以可以張事情係度講過明白都係因為我昨天係報紙睇到一個研究報告，我地認為冷血無情、有暴力傾向的人其實係大腦裏面有一伙"杏仁體"在成長時缺乏某些物質而道致的，診治既黃金時期係發育時，過左就無得醫架啦！所以我堅持相信我老豆係成長時缺乏以上所講既物質，當然都唔會有人為意！就係因為這段小小的報告，我才找到原因去原涼你．

戲玉就係：屋企有一隻年時己高的狗，佢叫Jacky，年青時外貌非凡、英姿澟澟、人見人愛．隨著我搬離開他們再加日月如梳，佢近一兩年已經變成一頭老狗，仲氣速得得好嚴重，當係自然現象啦．其實大家都心裏有數，Jacky要離開我們的日子已經不遠了，係我心裏面亦都知道Jacky終有一日係要做人度毀滅架啦．但係佢可惡既主人竟然張Jacky交左比捉狗隊呀．．．我真係無辨法接受，經我哭住咁質問我老豆既時候，佢比左一個我無辨法原諒佢既理由我．．．我唔供開真係唔想張老豆既形象降低到零或以下．

死就係一定架啦，點解唔可以死得有尊嚴一點呢？點解係死前唔可以有至親相伴呀？死已經好悲慘，仲要加上在惶恐之下發生，我覺得這件事我好難接受，話晒我都係佢半個主人，話晒佢都帶過很多很多歡樂既時光比我，係佢要死之前我都盡唔到半點人情，我覺得自己都無奈．倒轉頭諗，如果唔我帶佢入黎我屋企，佢既下場可能會好好多，害到佢咁其實係我既問題．

母與女

堅堅既婆婆剛剛過左身，其實一點都不突然，呀婆年時己高，大半年前已經行動不便，入住老人院，長期臥牀休息，就連進食都要人餵食，糖尿病很重，腳部的傷口已經不能自動康復，還有蟲添....試問一個這樣的老人家過了身又有什麼突然呢？



我接觸呀婆的時間不多，相處的時間更少，得知她最多消息是從她七名女兒的口中，呀婆的日常行為已經成為她們茶餘飯後的話題，但絶大部份都是投訴多，說她這樣不好，那樣不對...我不是置身其中，我感受不到她們的煩擾的心情，但....我只看到當初呀婆一個媽媽養大她們七個女一個仔，今天的日子倒轉，她們六個女一個仔照顧媽媽一人，為何大家都要多多投訴呢？


六名仔女長大成人，各人的生活都活得不錯，但婆婆仍要入住老人院（其實我都係老思想，感覺入住老人院係好孤獨），只有最細既女每天都會去探佢同餵佢食飯，其他的以我所知都係"有時間"就會去啦！係整個喪禮最領我深刻感動的就係呀婆其中一個女輕輕的對我講：下世都想做呀婆個女．
任我多痛惜我的父母，到現時都没有想過來世都要做他們的女兒，所以這句說話令我刻骨銘心．

Happy Weekend

今個星期過得好開呀，好耐都無試過咁充實但又輕鬆既週末囉．

首先星期五既太平清醮例排過得超熱鬧啦，加埋今年既小比識行識走就更得意啦，著住條燈籠褲+件背心仔真係成個公司咁，好可愛呢！！以前我地撘旗最多都係得15蚊...而家成50蚊喎，仲要無人肯去添...唉！真係唔同晒囉！

星期六日就出番柴灣，過番個安靜既週末，好耐都未試過煮飯啦，煮番個三餸一湯...好味呀！其實都幾懷念以前做煮飯婆既日子架，放工返去買餸煮飯，都不知幾enjoy！而家無li支歌仔唱囉，放工返去揍仔啦，食飯呀，是旦買d野食啦...而家我的厨具都變晒呀仔既玩具囉！

我發覺我地而家望住呀仔既背影都好開心呀，識行識走，古靈精怪，一時又扮下蟹，一時又扮呀龜，跑步既步姿又似上左鏈，多多動靜咁...真係好好笑，好得意，感覺好幸福呢！！　

第一次旅行

襯呀仔味到2歲帶到坐下飛機，唔洗錢呀麻，應該係唔洗一個人既機票錢，住宿又唔洗錢，食野又唔計人頭費，聽落真係唔錯...就係有咁既心態我地就係4用尾去左6日東京啦！！！

點解要去東京呀咁貴...因為爸爸去過我未去過，唔甘心呀！同埋日本既衛生情況好d，對小朋友應該會好d既，係食方面都應該協調到啦，有牛肉飯，豬排旦飯，親子飯...lee d都係好適合小朋友食既野.(媽咪要做既野一定會有十萬百千個原因既...hehe)

出發前一星期已經開始整埋行理，因為自己野可以漏，呀仔既野就唔漏得．汁呀汁，汁呀汁...出發時個giv已經差ｄ關唔埋...頭都暈埋！！


有題目真係唔同既，一大清早起身再加3粒鐘既機程，小比係乖到你唔信．零神5點起身=>無喊過，上機玩完一輪，都味起飛就訓著左，訓到落機．真係乜野担心都係多餘．其實整個旅程小比真係好叻呀，除左回程真係認真咁扭過一陣偈之外，真係可以話有成年人既水準呀！


小插曲：真係又一次要多謝御本尊呀，本來唔想訂Kent-Hotel，因為房間較細，地點又嘈，lee間酒店既地點就好似係香港既砵蘭街裏面咁，可想而知情況啦！去到才知道酒店有待應識廣東話，真係好驚訝！

朝早緊係人影都唔多隻啦，一入黑不佑幾旺呀！

日本既天氣既溫差好大呀，中午成20度，夜晚可以番10度，同埋濕度又低，小比就係咁病左啦，有一晚仲發燒添，好彩早有準備退燒水，但係退左燒就勁咳囉，大家都知道咳係無得訓架啦，可以想像小比幾辛苦，但係仍然無扭過計．第二日我就膽粗粗問個待應邊度有診所，唔想小比咁辛苦呀麻，有藥食會好ｄ既，點知待應張小比既病情寫低左，叫我地去有藥劑師既地方配藥，因為日本没有診所的，小朋友都係食成藥...心大心細，但見到小比係咁咳，真係無計，唯有試下囉．果然支樂好似神先水咁，食完不旦無咳，仲好精神添喎．真係一天都光晒囉！！真係好彩安排左我地入住lee間酒店，如果唔係都唔知點好！

小比話：多謝御本尊維護呀...如果唔係真係咳ｃ我呀...

其實整個旅程都好順利呀，如果只有我地兩個大人去，可能會變得無咁精彩添呀（又一次見証世界更美只因有你）！唯一既就係無乜食過好野囉，因為怕呀仔無耐性，同埋好多地方都要等，不如是旦食啦，反正都係未食過姐，咁樣諗會開心d既!

天災橫禍

近一兩年發生了很多災難性既天災，真係死傷無數，實在令人太悲傷，真係聞者傷心，聽者流淚，慘不忍睹！

今次青海地震我真係唔想再睇啦，睇一次個心就唔舒服一次，就連睇到新聞既標題我都想喊呀...”手掘數百嬰孩屍體”，因為整座幼稚園都被震倒，所以活埋數百位小孩．雖然己成事實，但我仍然接受唔到這些事實，我無有辦法想像到他們父母的心情，我完全唔可以接受這種事情，實在太恐怖了．

我實在太興幸自己生長在香港，遠比很多國家既人飽受天災既折磨，我們真係十分幸運．我們最大的敵人最多都是人事或是要跟昨天的自己鬥爭，或是在香港永遠都係手唔停就唔會口停，總係一個充滿機會既地方；相對青海既人的對敵就係天，試問他們怎樣跟天爭？一個地震一個火生爆發，試問人還有搏擊的能力嗎？

近況

昨晚去超市買野，買磅麵包同花生醬，點知令我十份場面十分驚嚇，以前(對上一次都已係係陀住璟峰既時候)食開既麵包要成$13一磅...嚇死人咩，我仲記得以前係大約$5.9咁上下啦，而家標升到成$13，實在另人太難以致信啦！！仲有係花生醬，我唔太記得以前咩價錢，但係我見到原價$29，而家特價＄25.9，都我覺得係好貴．點解d野可以貴左咁多，咩世界！！

近日有點頭昏頭漲，攪唔清楚呀仔幾多歲，成日以為仔下個月生日就3歲...點解會咁架，乜我同個仔開過2次生日會咩...我真係蒙到上心口啦!!!

屋企隻小霸王超黎超難教，最鐘意同小朋友爭玩具，自己唔玩既，人地都唔可以玩；人地手上既玩具實係好玩d既，唔玩都要爭返黎，又無用爭唔到又係度哭...真敗家!!!

仲有近日好似生跡咁，又食得又訓得，係勁食呀...食到自己都有d驚呀，點解會食得落咁多野架?可能近得呀仔多，佢又係橡皮肚架，以為佢食唔落，點知仲食得多過我，由朝到晚都無停口，真係唔知邊個似邊個！

夢中情人

唔知點解近排不時想起你，很喜歡重溫你的相片和聲音，彷彿我好想與你有一段不顧一切的關係，你的面容有點改變，看上來不再年輕，工作很辛苦嗎?家人有給你足夠的照顧嗎?

你就是站在我的面前，但大家的距離是那麼的遠．只有你一個人時，你好像有意無意地慢慢跟著我走，彷彿等我跟你說話，但我只能跟你嫺聊，有口說不出，有話不懂說，真不是味兒！還記得一個夢提醒了我，原來我是那麼盼望跟你一起的，對，我對你那一份感情原來是没有變的．

我知道今生都不會與你開花結果，但你還是會遐想跟你不時都碰上，見一個面也是心靈上的滿足！

女人vs男人

我以前睇到D無理既女朋友好睇唔順眼，成日都覺得要尊重下D男人，個男人扮到好似隻狗咁，比你都唔鐘意啦．這是我以前既想法，所以我都會尊重佢地既．但係近來既想法唔同左，覺得男人係絶對應該遷就女人既，遷就已經係遠遠超於尊重好多好多啦，我既意思係唔單止要尊重，仲要無條件咁寵愛呀．


點解：因為某些男人某程度上係唔識點樣表達佢地既愛．同埋因為時間既問題，佢地會越來越唔識得愛身邊既人，疏忽對佢地既照顧，忽略左身邊人既感受；相返一對男女相處耐左，大部份女人都係受氣既一方面(或者兩口子都在受氣，只係唔同既氣)，女人顧全既野都會比較全面，意思是委屈或者面對困局既機會都比較多．雙管齊下，煩既野又多左，比人照顧既機會又小左，仲要日子耐左，個樣又老左，三管齊下，女人受既壓力係咪谷到一個好得人驚既地步呀！


要面對既困難其實大部份都難唔到佢地既，只係間唔中不停講不停講，發洩就可以平衡下；而老既問，睇化左就會無事啦，個個都係咁上下...老架啦!而我想講就係男人應該要無條件咁遷就女人，好簡單就係因為佢地好辛苦囉；叫你愛你又唔識點愛，咁咪遷就下囉，唔好咩都頂咀，唔好咩都話唔好，最好咩都話老婆啱，老婆既主意係最好，老婆既安排實在太好...hahaha!諗下都開心!最少你都要欣賞佢為你做既一切事與物啦，而感謝佢地既存在啦!　

點解大家都唔可以把結婚那一刻既心情勞勞咁銘記係心呀！

　　　　

係咪相同架個道理?

年紀真係大左啦，只係打左一晚通霄牌，足足攰左我整個星期呀，晚晚約十一點就全身乏力，攰到好似打仗咁，仲要係一訓落牀一分鐘唔洗已經係熟睡狀態;其實都唔係唔好既，最起碼我既睡眠質數應該唔差，因為全程係熟睡既；但係唔好就係夜晚無晒時間用囉．

撘7點船，返到去都7:30，食飽唔洗洗碗都要8:30啦，同個仔玩一陣，9:00又要入房開始陪養感情訓教，等得個仔訓著都差唔多10:00，仲要洗澡，攪掂所有野最快都要10:30，勤行半個至一個鐘，已經攰到連睇埋新聞報導都頂唔住...試問仲邊有時間做其他野呢?

但係我昨天睇到一幅咁既相，真係幾攪笑，我諗我應該都有小小都可以擠出黎既，未至於真係乜都無既...哈哈哈！

　　　

財迷心竅

近來公司有人攪小動作，又用請辭來半威脅老闆，真係悶呀，我真係會覺得lee種人無乜出色，你有能力的話，人家一定會留你，你又話要生又話要死咁迫公司比多小小你，低妝都死．

其實我都一早睇串lee條台灣佬啦，成日笑笑口，又成日買野比我地食，又請我地出去食飯，一早感覺到佢既熱情係有原因啦，不過仍然好多人中左佢招，到今時今仲覺得佢係好人．我討厭佢就係放他的親信入我地既圈子來套我們的說話...太無聊．雖然我公司係做投資，但其實生意都係建基於人與之間既關係，人既心念一定要正，根本唔可以存歪念，我覺得佢真係錯在以為自己太聰明和想別人既想法想得太多了，以為可以控制到我們既想法，太自以為事了．

一個人唔安守本份既下場就係咁架啦，佢係對公司貢獻左好多，但從來付出同收入都唔係正比架啦，你要計較用你自己既方法去取一些原本唔屬於你既野，就會野來好多投訴架啦．道理係簡單，但係財迷心竅，又係控制唔到既，另一個角度睇，可能佢都是受害者！

煩悶既日子

近來因為天氣不好，呀仔就傷風流鼻水又發下燒，真係頭痛．呀仔唔舒服又成日哭，一大哭又一定要搵呀嫲，搵唔到又激哭，連媽咪都唔要，攪到我勁有錯敗感，原來我係第二最受...唉！我都想做好個好媽媽架，我都你我可以給你依賴架，我都想做你既第一最愛架，但係要返工，唔係一手一腳揍大你，你實會無咁痴我架啦，我又有乜辦法喎！！

同老人家住係可以幫到好多手，但係無晒私人空間，想同個仔獨處下都無．有時真係好忟，好似今朝咁，呀仔成晚哭我地已經無教好訓，天光又要趕返工，心情已經極想死，老爺仲要係度煩住晒，又話要帶個孫出去睇醫生，又係到講咁耐都味好番，又乜又七...真係火都黎，有時博佢一兩句咀又黑口黑面，返工又要睇人面色，返工屋又要睇佢面色，人都癲！

再講而家天氣真係唔知想掂，今日著短袖，明天又要著厚褸，真係一年四季既衫都要攞晒出黎．大佬呀，我間房豆乾咁細，真係緊緊夠三個人訓呀，仲要加埋三個人既四季衫同其他用品，真係屈死人呀！

虎年既開始

有人都話虎年唔係咁好，起初我都會諗，仲係度諗有咩唔好野發生過呢，又好似無喎，一開年生意都唔錯呀！

跟住就出事啦，剛剛收到風好朋友個表姊直腸癌過左身，細個都一齊玩架，所以聽到後都好心痛．真係人間大悲劇呀，三年前係佢生第二個小朋友時，已經發現有直腸癌，所以生完就立刻做治療，做係咁過左三年啦．點知惡夢又出現啦，癌症復發，係前兩日就離開左我地啦！聽佢屋企人講，臨走前既幾個月真係痛到要生要死，藥物都發揮唔到效用，最後就係吊藥吊死啦，臨走時身邊所有人都係佢身邊．真係人間大悲劇呀，受盡病痛折磨後咁後生就要走，仲要留低一家大細，兩個細路幾慘呀，仲有咩慘得過無媽媽在身邊呀，最細歌個先得三歲．比著係我都走得唔放心．．．嗚嗚嗚嗚嗚

祈求天地放過一些好人，怕發生的永遠別發生，從來未順利遇上好景降臨，如何能重拾信心......

lee個世界就係咁架啦，怕發生歌d就會永遠便會發生架啦.....真係唔驚得咁多呀!

女人愛比較

今年終於出席晒朋友既婚宴了...功德圓滿，要還既債都還左一大半了...唉!!!

昨晚係見得最多舊同學既一個晚宴，大大話話中學畢業左有15年啦，真係幾另人唔開心既事實呀，咁又過左15年！！大家都keep得好好呀，男男女女都無乜大轉變，外型同溝通方法都keep得唔錯，好開心呀！！

見到大家都保養得唔錯，我真係加陪努力呀；工作和家庭我都處理得唔錯，工作有好明確既目標啦；家庭方面同老公感情唔錯，個仔又過得去啦；我有點担心既係外觀既問題呀(女人都係受比較既，無辦法啦，我都係一個普通女人)．

頭髮我已經好耐無打理過佢，唔好講咩新髮型，確實定期去打理一下都已經係一年前既事；我既皮膚年輕時都已經係唔太好，可想而知而家既狀況，點算；身型方面當然從來都未試過有極佳既狀態，生完呀仔又無好努力咁keep過，好似無晒進步既空間；唔好話夜著要得好前衛，我而家完全無打扮既念頭，好似失去晒本能咁，都唔知想點．好彩，我既本色仲未退化，講講講笑笑笑，大笑大笑，car car 笑...仍然好有震撼力既笑聲，不失係我既標語...hahahaha

臭死人咩

唔知係咪我近得狗多，我個鼻特別靈架喎．成日都聞到別人有口氣，真係難頂到爆呀！尤其是晨早呀，男女老這三個組別的人真係好救命．一打哭路，一講電話，真係諗到d味都想死呀！仲有，食煙既人既口氣，我聞到係差d想暈架！！！

市面上的香口珠越出越多真係有原因架麻，五花百門，出到乜味乜味都有，出咁多市場緊係好有需求啦；但係唔明白d人點解仲唔唔太醒覺自己有口氣...唉！小姐，你點靚都無用啦，一開口就臭死人；呀哥仔，你點型都無用啦，你歌口煙味...

唔該各位真係要好好留意下自己既衛生情況呀，幾蚊就可以挽救你既形象架啦，唔慳得！

貪靚

個個女仔都貪靚架啦，有邊個夠胆話自已唔貪靚喎，只不過係唔同程度姐．

諗諗下我都洗唔少係自己身上，做facial就唔洗講啦，好基本既野，買下野查下呀，左攪右攪，其實都洗唔少錢．

用得我最多錢既就係我d牙同埋跟左好耐既雀斑．
好細個時隻門牙已經補過，日子耐左就變左色啦，一笑起上黎就好似有既爛牙咁，所以前年的起心肝做左個牙套，齋係隻牙套都要四千幾蚊...仲要加埋杜埋牙根，歌次都幾金架條數．

前排照鏡發現面上既雀斑真係明顥左好多呀，有d又大粒左，有d又黑左...伙要化左裝都遮唔到呀，又的起心肝去試下做激光啦，如果可以買番塊靚d既面都係值得既．

好多人都聽到整容都好抗拒既，其實d人做咪不經不覺已經做左自己又唔察覺呢！！

百物騰貴

好耐無行過街街啦，昨天有小小空閒時間，去左睇下D頭飾...嘩，D野貴到呀，買個頭cool都要幾十蚊，有小小款既都要成$49蚊，再靚小小款既直情要過百蚊，真係貴到你唔信。

而家食野都貴左好多呀，我諗係樣樣都貴晒，d錢係唔見洗架，一放假就直情好倒水咁，洗錢洗到驚呀．
兩個人食早餐已經食左半張紅衫魚，買餸比小比煮飯又唔見半張紅衫魚，下午食兩個普普通通既下午荼，又唔半張紅衫魚，食埋一個平平地既晚餐，全日只係食都用左$250，仲要食食d勁平既野，兩日加埋都用左$500啦．
有時想食得好d架麻，食下壽司，打下邊爐，朝早飲下荼...仲要買下雜物喎．唉！d錢真好鬼唔見洗架！

成日想慳d，都唔知由邊度慳起好！
大既唔食，細既都要食架，食又唔慳得多；而家已經小左好多出街食飯啦，可以既話都想食好小小！
我地兩個唔買衫，小比都要買啦，佢d衫季季都唔啱著！

我的跨年心情

話咁快又2010年，周圍都係慶祝活動，大家都好高興。
我心情麻麻地，一係無乜慶祝活動啦，有點寂寞既感覺！二係覺得無乜值得開心，你地慶祝咩呢？2009過得好充實呀,得到很多很多呀,還是係2010有大計，可以好好發展自己的人生？ 究竟你地慶祝咩呢?為慶祝慶祝？

我就最怕食死貓的，今日又食一大隻，好可能就心情一直差啦！年尾流流前，連續兩日遇到D荷爾蒙失調的人，真係倒霉！人性真係好醜陋！！

都有開心野既，年尾前公司跑數我最上心，連放假都掛住，就係因為我好投入，所以當成功時，我真係預計唔到成功那一刻是來得這樣震撼的，我真係好耐都無試過那一種開心. 我諗好多人有工作狂既人就係尋找這種感覺！

2010公司會給了一個很吸引的Package，另我都對前境頗有衝勁。
我最希望可以身邊所有人都身體健康，我要事業步步高陞，不再變靚都唔好變醜...哈哈哈!!