期待己久

等左咁耐，BB都係唔肯自己出黎，一ｄ先兆都冇，醫生唯有約左我地明天返醫院做催生啦，希望BB可以順順利係明天出世啦！不過諗起個過程都驚驚地，咁鬼恐佈．．．

你睇我呀，個肚鑼咁大呀．．．都唔知條友仔點樣出黎呀．．．希望佢醒醒目目，自己執生啦！

中國人並不醜陋

四川既地震真係震地我地個心都震埋，電視一幕幕既畫面真係慘到睇到都眼濕濕，點解要咁慘呢？地震不特止，仲要面臨缺堤、山泥傾瀉、餘震等等等等咁多咁多既困境，係咪真係要考驗人性既耐力，人的能耐去到邊？

雖然我始終覺得人既力量係無法估計，但係為什麼一定用咁悲慘既方法去考驗他們？

話雖如此，但係今次災難令我覺得原來中國人並唔醜陋，佢地互相幫忙，不顧一切既精神，我自問我未必有勇氣做得出．
災區一個女警見到兩個三個月大的嬰孩，因為失去了母親，幾天也没有奶飲，女警二話不出就當場餵人奶給這兩名嬰孩，而自家的小孩便交由親友照顧，因為她要外出請救有需要的災民．這樣無私的心情真係令我敬佩！

辛苦

等我說說我每天的時間表給你聽聽：
8:15 同周公糾纏，要起身
8:45 出門口返工
7:00 等左一日終於等到，可以放工
8:00- 9:00 應該迋完街，買埋餸返到屋企
8:30- 9:00 煮飯兼洗衫兼睇電視，三樣一齊做
10:30 等埋老公返黎，可以食飯啦
11:15 晒衫，餵埋龜龜食野
11:45 洗白白
12:15 接埋D衫，汁下屋企D雜物
12:30- 13:00 終於可以訓落牀啦

其實都唔算好辛苦，但係以我而家咁既身世．．．就有D太粗勞啦！你試諗下，我而家掛著一個42吋既大肚tum，背著二十幾磅既唔知係脂肪定係肉既野係身上．．．身理上既改變已經夠我難受啦！

唉！仲要諗埋心理歌方面呢，担心比比既健康就一定架啦，又要担心埋坐月既野，話晒我都係要奶奶屋企坐月，實有D唔自在架啦．仲有見到好多野都好以未準備好咁，心情點會好呀！！有時仲要受下人氣，真係有怨氣冇地方散呀！