小比攪笑對話

小比一起身就坐埋個電腦到
小比: 邊個無熄電腦呀...
媽咪: 緊係爸爸啦
小比: 爸爸, 你開始曳囉喎...(用晒我地平時話佢既語氣)
爸爸: #&$#$@($)

爸爸買左個新籃球返黎, 小比一路玩,
小比: 爸爸,你成side晒d錢
爸爸: 咩呀
小比: 你咪有籃球囉, 又買
爸爸: lee個唔同色架麻(怒bear住小比)
小比: 又話儲錢, 成日買野, side晒d錢
(用左我既語氣, 話佢成日買玩具)
爸爸: #($u#())!#_$(

爸爸打完球返黎
小比: 你咁夜返既, 唔訓教 (語氣帶貼埋怨)
爸爸: 都唔係好夜姐, 你都未訓
小比: 咁夜返、咁夜返、咁夜返、咁夜返....(一輪咀係咁遘), 你唔乖架啦.
爸爸: 大既唔嘈到細既唶...@($(#)@#($

I like 中醫 very much!

其實我真係好buy中藥架，如果搵到個夾得到既中醫真係成個人生會小好多麻煩，起碼唔洗煩身體既問題．

我第一個Baby真係食住中藥大，所以諗返起真係陀得幾舒服；今胎因為返左長洲住，遠離左我既中醫，所以無中藥浸住大，陀得特別辛苦．唔知係咪有d心理作用，上個星期食左三劑，今個星期腰骨又無咁痛，又訓得好左，真係洗左錢個人係舒服d既．

呀囝細細個我都試下試下比佢食中醫架，有時初病食小小中醫又止得住，又洗乜食西藥呀，最怕d小朋友食西藥食到到手凍腳凍又標冷汗．現時d醫生係咪都開抗生素比小朋友食，食到成個人虛晒，個人又忟憎，又無晒胃口．其實最大問題係抗生素係會越食越勁，下次再病食lee隻唔得，又要食得勁d，永無止境．個個父母見到仔女病都想九秒九醫好個小朋友，但有時真係唔急得黎．上次個醫生幾好，同我地講唔好食左兩次藥唔得又返黎搵我呀，唔係一下子可以好番架，唔係神先丹黎架，你要快就食抗生素啦，不過佢唔太建議啦，咁講我先覺得佢有醫德．

身教

我今天明白多一件事... 就是身教.

是否懂得照顧身邊的人除了真係要有教導之後, 其實我忽略了一項很重要的項目... 就是身教.

和朋友傾談中我愚蠢地問及是誰教導你如果懂得照顧身邊的人? 他想了一想, 是從爸爸的身上學的, 沒有實質的教導, 是身教. 因為自小到大都看到爸親是如果照顧身邊的人, 自覺是理所當然的. 我真是當頭棒喝呀!! 這就是佛法中所說的以生命影響生命嗎?

做父母的時時尋求那裏有好教才, 那裏有好資料去教導下一代, 其實最好的教才就是自身, 日常生活中每天的一點一滴就已經是教導; 雖然這非什麼知識上的資訊, 但一個人的成長的品德就是這樣一天一天地積累起來的, 這些比起硬知識更難傳給下一代, 給各位父母共勉之.

現在還有很多問值得生小朋友嗎？

很記得前一兩年我既答案是"絶對值得的，如果唔生才是一生的遺憾．"
到現在... 我... 都係覺得值得既，但係要加多一點附加條件，就是要確定你的另一半要or會負上有小孩的責任；二是你有預計自己可以當上單親母親的能力．否則，小朋友真係會成為的一生的担子的．你會為了他失去了很多很多，包括：事業、朋友、歡樂、自由...

第一點基本上是不能確實的，没有一個承諾是真的承諾，要變的誰也改變不了；第二才是自己可以控制得到的，要把握一些自己可以控制的事．

我唔敢講單親家庭没有快樂，但總是會欠缺一點的，歡樂小一點，辛苦多一點，大家覺得值得嗎？(請站在單親家庭去看)

香港的離婚率就是每兩對新人結婚既同時就有一對要離婚，持續每年都有兩至三成升幅，咩原因呢？跟買保險道理一樣，買的時候大部份都唔覺得自己會當上不幸者，但每年的保險賠償率都是比預期高的．
無疑，我們真的要做好心理準備的．

成長

無人否認人係雖要不斷成長的，但係咪人人都會成長？

小朋友既成長係靠父母和身邊發生的事情和人物既配合，但係人大左的成長又靠咩呢？
如果一個成年人還時時需要別人提點去成長，他還算是成年人嗎？

想了一想，成長的意思是要除著年幾既長大做合適年幾既事情，和做合適自己身份既事．
今天的我已成了別人的媳婦，兩名小孩的媽媽，我有成長過嗎？(應該有掛...haha)

我對老爺奶奶雖然同父母還有差別，但自覺對他們都不比別人差，需要還有進步的空間，但比上不足，比下有餘了．
對呀囝，除左覺得賠不上時間去照顧佢，事事都在學習中...

跟一些没有成長的人生活，我已經太累了．我是没有責任要讓你成長的，同樣我都没有責任要承受你没有成長所帶來的悲哀的．

特然很想再看一下張小嫺的面麪包樹上的女人和再見野油鼠，很懷念那味道，當時很投入閱讀都感覺到內容很真實，估不到今天覺得原來是事實，所以再想回味一下。

如果現實容許我任性一點，我要去感受一下野油鼠那份缺心和忍心。
＂有時候，我們愛著的，不是現實的那個人，而是回憶裡的他。 ＂

往往覺得溝通是兩性關係最好的良藥，原來去到某一個地步，真是會有不願意再溝通下去的情況，有些問題是溝通都解決不到的...
＂一個人最大的缺點不是自私、多情、 野蠻、 任性，而是偏執地愛一個不愛自己的人。＂

我在想...我是從那一步開始走錯的？
究竟是愛情還是婚姻要讓對方痛苦呢？如果對方没有期望，那跟誰一起又有什麼分別？有期待，便有失望，便會有埋怨，更會有憎恨...這是永恒的邏輯。但可以對對方没有期望嗎？

誰說愛一個人是要教是要提點的？愛一個是天賜的本能，不可能你没有這本能，只可說是你没有啓動過這程式...可能你覺得不需要吧！！

貪

人心真係貪得無厭，真係唔太記得很清楚當初你的一番好心是真情還是假意，但怎樣都好，我在當中都有受惠過，真不能對你說聲多謝！

今天你的真面目我看得很清楚，你真係太自太了，太貪心了，還有你的手段...有點低裝，連我也都看得出，太早被人看到你的葫蘆賣什麼藥了，旁人不得不防你的，不止我會防你，我還會要旁人都防你的．

可能人性就是這樣的，得一想二；或是可能我對你有期望吧，所以你的行為另我有點失望．坦白，我真係會因為你已經披露了你的真面目己對你有點止步的．不說是由誰利用誰開始吧，我倒覺得自己跑得比你好看，雖然我能力比你低，但我没你那顆狼心，到今天你抬了我起來，但利用不了我的位置來把公司利益歸到你旗下...看得我心涼了．