I like 中醫 very much!

其實我真係好buy中藥架，如果搵到個夾得到既中醫真係成個人生會小好多麻煩，起碼唔洗煩身體既問題．

我第一個Baby真係食住中藥大，所以諗返起真係陀得幾舒服；今胎因為返左長洲住，遠離左我既中醫，所以無中藥浸住大，陀得特別辛苦．唔知係咪有d心理作用，上個星期食左三劑，今個星期腰骨又無咁痛，又訓得好左，真係洗左錢個人係舒服d既．

呀囝細細個我都試下試下比佢食中醫架，有時初病食小小中醫又止得住，又洗乜食西藥呀，最怕d小朋友食西藥食到到手凍腳凍又標冷汗．現時d醫生係咪都開抗生素比小朋友食，食到成個人虛晒，個人又忟憎，又無晒胃口．其實最大問題係抗生素係會越食越勁，下次再病食lee隻唔得，又要食得勁d，永無止境．個個父母見到仔女病都想九秒九醫好個小朋友，但有時真係唔急得黎．上次個醫生幾好，同我地講唔好食左兩次藥唔得又返黎搵我呀，唔係一下子可以好番架，唔係神先丹黎架，你要快就食抗生素啦，不過佢唔太建議啦，咁講我先覺得佢有醫德．