好消息呀！

各位你地好呀，小妹有個好消息忍左好耐啦，而家終於可以同大家分響吓啦！

就係我地造人成功啦！而且仲係一擊即中添呀．．．哈哈，真係唔知醜呀！！

咁話說八月到啦，我就心癢癢同老公講，我身體都調理好，應該唔洗再成日睇中醫囉（我幾乎隔日都有飲中藥架，仲持續左成大半年呀，而家聞到都唔開胃呀），應該可以開始我地既"希望工程"啦．咁老公聽到緊係落力ｄ啦，點知係九月已經中左啦．．．咁九月又係我地既結婚週年又係佢既生日，大家玩得開心ｄ都唔出奇既．．．哈哈！

到目前為止應該有１１－１２週啦，姐係有三個月架啦．感覺就係日日都嘔囉，不過蝦仔（我呀ｂ既簡稱呀）都好生勝架啦，只係返工前同埋放工既時候先嘔，等我返緊工既時候都如常運作．

而身型就有改變啦，人地話三個月都未會見肚架，但係你睇下，我個肚幾大個，而家ｄ褲好多都著唔到囉，不過我諗應該有八成係肚腩黎架．．．哈哈！