鼠年口號

新年太忙啦，又要週圍去拜年，又要霸住個位打麻雀，又怕派錯利是（同樣緊係怕收漏利是啦），日日訓醒都有野做，忙過返工呀！

過到初四終於可以休息下啦，返屋企打掃下，訓下教．．．係得閒既時候就諗下2008年既大計啦！咁我就訂下左08年的口號：

每天都唱題！
（實行左兩星期，因為早左起身，所以早座係冇問題既；但係放工返黎太多家務要處理啦，晚座同埋15mins既題目返而成日冇時間做．．．努力呀，要keep住呀）

儲多D錢！
之前有都冇乜儲蓄既習慣架，今年的起心肝儲下錢啦．．．由散銀開始，每天儲5大蚊啦．．．haha!

每天早D起身！
成日話每朝起身返工都好鬼辛苦，但係比人問到我幾點起身呢，就會比人怒啤，因為8:30起身都話辛苦喎！咁我就改善吓囉，而家8:00鐘起身，做下運動、做埋早座、整埋早餐先返工！