話說我成日都鐘意叫老公放工後買lee樣、買歌樣反屋企，因為如果佢唔洗反學，佢係會好早返到屋企既；我叫得佢買既野緊係全部佢都有份用、有份食架啦，例如：廁紙呀、生果呀、今晚要煮既餸呀．．．（咁我夜放工呀麻，返得去都天黑囉）
久而久之，佢就會變成咁啦：
老公怒氣沖沖咁同我講：我以後都唔幫襯下面間歌間雜貨鋪呀，歌條梅菜呀，丁屎咁大舊都要收我三蚊，我話比佢知下面個街市二蚊仲大舊．
老婆：咁老闆點講呀？
老公怒氣沖沖咁同我講：佢未答我，我已經話唔要啦．
（比著我最多下次唔幫襯姐，都唔會好以佢咁）
佢繼續係到講：條友上次都搵我笨架啦，買支細麻油都收我十幾蚊，邊洗咁貴呀，超市都唔洗啦，尊搵我笨．
佢以前成日都話差小小咪煩啦，又唔係差好多．．．haha 佢知道日常既開支啦，lee度又係錢，歌度又係錢，佢都變左個司拉仔囉！
你睇下，佢連去飲都攞左幾枱既橙返黎呀，佢話：十蚊三個，lee度都幾come計．．．haha!
沒有留言:
張貼留言