有名份啦

"成日都叫個仔做BB BB，乜佢冇名既咩..."

唉!幫個仔改個名，你估咁容易呀。個仔雖然係我既，但係佢又係呀公個孫，又係呀爺個孫，又係姑媽個姪子...佢又話要咁樣咁樣，第二個又話要點樣點樣...九萬幾個要求...真係左右做人難呀!

不過我(只係我既意思，佢老豆係點冇表示過呀，一時又話比呀公改，一時又話比呀爺改...）其實一心都諗住搵相士改架啦...所以佢地講乜我都係左耳入右耳出...真係意見接受，態度照舊！！

最後我地簡左｛譚璟峰｝LEE個名比個仔。我幾鐘意架，睇景緊係上到山既最高睇架啦...個名都幾有意思呀！改左名就幫個仔仔攞埋張出世紙囉！