愛情的感覺

尋晚睇電視講到一個男仔貪新棄新舊，要放棄一個一齊左七年既女朋友．．．

其實我都好明白個男仔既感受，同一個識左幾個月相比起一個係埋七年既女朋友既感覺，一諗就知道邊度會開心ｄ啦．．．老生常談，一開始緊係愛情啦，愛到難捨難離，唔知邊到黎咁多個話題，講極都唔完，日日見都唔覺悶；有愛情既時候，就連佢既缺點都會覺得係優點，完全係被蒙蔽！

但係時間慢慢過，愛情就會變感情，你既另一半就會由愛人變左做你既親人．．．愛既濃度就會慢慢減小．．．現實真係好殘酷架，唔到你控制．但係都唔係無辦法既，至小我還覺得互相努力仍然可以改變既．

今時今日既我仍然係要追求有愛情既感覺，但係近日既境崖太低啦，或者我要求高左掛．．．對住一個共處左六年多既人有同牀異夢既感覺（唔通真係有七年之癢lee回事？），對住佢有ｄ辛苦既感覺，或者係對住佢無晒感覺（其實真係驚驚地，點解會咁既）！

希望係因為個仔出左大家味協調到啦，如果唔係都唔知點算．．．！！！