節衣縮食

話咁快腦細真係同我地講，你地lee個grade要幫公司慳下錢啦(心諗一定冇好野啦)，而家唔係話要減人工，不過而家張你地既人工同公司生意額掛鉤．

腦細　：如果生意額維持到總行做到10,920,000或分行做到17,000,000，你地既人工就維持不變啦；低過就要減xxxx咁多啦；咁我好公平既，如過過左lee個數呢，就按比例加番比你地啦！

講咁多做乜鬼呀，減就減硬架啦，整式整水！

知道要減人工緊係第一時間話比老公知，比個心理準備佢先，跟住我地就諗下慳錢方法啦，結論係：

每朝早二十分鐘出問口就可以撘慢船，以後盡可能會出入都撘慢船啦，原來每個月可慳成四佰幾蚊．
撘車同行路都差唔多時間返到公司，咁以後就來回都行返工啦，忡可以當自己做左運動，咁樣每月都慳到二佰蚊到啦．

唉，諗黎諗去都係慳得幾舊水．．．而家講緊要減四位數字既人工呀．．．點過活呀，十一月仲有三隻紅色炸彈呀！！！