近況

近排好懶，提唔起心情寫blog，一定係藉口多多．．．

剛剛過左個太平清醮，又過左個母親節，應該有d野寫既．．．

昨天第一個母親節，無乜大感觸，只要每天都能見到我的小寶貝健健康康，滿面笑容已經心滿意足．

昨天第一次帶小寶寶去沙灘遊個早水，約左幾個哥哥去食個早餐先出發，食唔到囉，小肥肥九點幾先起身，都係沙灘等啦．．．好似走難咁．．．出發啦！！由於唔夠時間食早餐，小比只好咬住個豬仔包頂住下先啦．．．



出奇，小比乜都唔驚．．．玩沙，玩水，唔識驚定係唔驚？？

只係好簡單咁去下沙灘，已經好開心！

自己做左媽咪都唔覺得母親節有咩特別，所以都冇特別同呀媽慶祝！