貪靚

個個女仔都貪靚架啦，有邊個夠胆話自已唔貪靚喎，只不過係唔同程度姐．

諗諗下我都洗唔少係自己身上，做facial就唔洗講啦，好基本既野，買下野查下呀，左攪右攪，其實都洗唔少錢．

用得我最多錢既就係我d牙同埋跟左好耐既雀斑．
好細個時隻門牙已經補過，日子耐左就變左色啦，一笑起上黎就好似有既爛牙咁，所以前年的起心肝做左個牙套，齋係隻牙套都要四千幾蚊...仲要加埋杜埋牙根，歌次都幾金架條數．

前排照鏡發現面上既雀斑真係明顥左好多呀，有d又大粒左，有d又黑左...伙要化左裝都遮唔到呀，又的起心肝去試下做激光啦，如果可以買番塊靚d既面都係值得既．

好多人都聽到整容都好抗拒既，其實d人做咪不經不覺已經做左自己又唔察覺呢！！