Happy Weekend

今個星期過得好開呀，好耐都無試過咁充實但又輕鬆既週末囉．

首先星期五既太平清醮例排過得超熱鬧啦，加埋今年既小比識行識走就更得意啦，著住條燈籠褲+件背心仔真係成個公司咁，好可愛呢！！以前我地撘旗最多都係得15蚊...而家成50蚊喎，仲要無人肯去添...唉！真係唔同晒囉！

星期六日就出番柴灣，過番個安靜既週末，好耐都未試過煮飯啦，煮番個三餸一湯...好味呀！其實都幾懷念以前做煮飯婆既日子架，放工返去買餸煮飯，都不知幾enjoy！而家無li支歌仔唱囉，放工返去揍仔啦，食飯呀，是旦買d野食啦...而家我的厨具都變晒呀仔既玩具囉！

我發覺我地而家望住呀仔既背影都好開心呀，識行識走，古靈精怪，一時又扮下蟹，一時又扮呀龜，跑步既步姿又似上左鏈，多多動靜咁...真係好好笑，好得意，感覺好幸福呢！！