放左足足兩個月假，而家要返工都幾係野，辛苦既並唔係要早起身，因為揍住呀仔既時候都已經係朝朝都早起身架啦！
返工前擺晒ｄ衫出黎試著，全部褲著唔落（激死），只好著住ｄ裙仔先啦！仲攪笑，第一日返工，連高爭鞋都唔識著（著都幾辛苦呀），舊時係著住黎追巴士架麻，而家成年冇著，真係生疏晒！
返到公司好以新同事咁，連同事既內線都唔記得，成日要睇番個contact list．．．平時做開乜又唔記得，成日坐係到on居居！
一開個mail box，load左成５分鐘，一共有成1500個未read既mail！！好，我決定放棄，一個都唔睇，放埋一邊算數！
其實放假前好多工作都交低晒架啦，冇乜daily野要跟；返而係做ｄproject野同埋ｄcase，所以一時間都唔知有咩要跟進．唉！我心諗）慢慢啦，而家有得炭好炭下先，有得早走好走啦，咪第時做到隻野咁呀！
返工就預左掛住呀仔架啦，所以攞左呀仔張祼照放係枱面．．．哈哈！
沒有留言:
張貼留言