心肝丁

尋日出左去文化節彩排...撞鬼佢由二點去到夜晚九點...聽到都唔想去呀！其實原因只有一個，就係掛住個仔！

幾經爭扎終於都有出值，但係就早左走囉，六點到就走啦！本來諗住食飯時間返到去，嫲嫲可以去食飯，但係一返到去嫲嫲就話唔食囉，仲同我爭住同比比洗白白添呀（激死）！掛左一日，先到個仔開心都不得了，但係都係要同嫲嫲分享...

唉，終於明白咩叫”心肝丁”啦，就算有人幫你照顧仔仔，你都係會担心既，你都係想望多佢幾眼既...個心一味掛住佢，成日想快ｄ返屋企，真係呀掛到個心都跌埋出黎呀！肥嘟嘟既小朋友好可愛呀！