世界太美只因有你

我諗極都諗唔明點解咁多人會選擇唔生小朋友！
無錯，佢地會霸佔晒你的時間、心情、金錢、屋企既空間．．．所有所有野；但係佢回饋給父母既野真係冇野可以取代架！

我幾唔開心，見到個仔笑，真係咩都唔記得晒！佢唔係一個負資產，佢我係生存既動力，就係因為佢既出現，我要使我既生活更充實，我要學多d野，教佢多d野；我要改我既壞習慣，比佢一個好既身教；我要盡我所能，比一個好既成長環境佢．

爸爸之前係一個出名懶到出汁既人，而家半夜起身開奶，見到個仔食飽飽，四萬咁既口對住佢笑，佢都話攰都抵既．山長水遠好似走難咁帶個仔去玩，佢都話冇所謂，因為見到呀仔玩到見牙唔見眼．

我諗人真係會為左下一代先會把佢地既潛揮得淋漓盡致，尤其係好似我地咁有惰性既人！