暑假親子遊

北社公所攪左個昂平貝澳一天遊，公公誠邀我地出席，我地緊係一齊出去玩下啦．


結果一個程氏家族已經坐左一張枱囉，真係開心，再加埋特別嘉賓－妹妹，真係非常熱鬧！


帶住兩隻小妖怪，真係幾辛苦架，但係就好開心囉．歌日天氣真係超好，好到過晒龍，萬里無雲，姐係曬到嘔啦．


用左大約一粒鐘行左上"深經簡林"，可能耐無做運動，都幾辛苦架，不過都唔夠爸爸同公公辛苦，因為佢地要抱住兩隻豆丁行．上面真係景色嫵媚呀，望著好宏偉既簡林，一面無際既海景，遼闊既天空，真係人都精神好多，另人既心境都廣闊左呀！玩下、影下相好快又要落山囉．



食飽飽又再出發啦，行左一條無遮無掩既萬里既長堤，沿途既風光真係唔錯既，海天一色好有東南亞feel，又有海風喎，真係曬燶左都唔知呀．


熱成咁真係無乜心機行貝澳呀，結果就每人比$20出海吹下遊下船河囉，話就話帶我地去睇粉紅色既海豚，實質緊係睇唔到啦，不過大熱天時出去兜個圈吹下海風都好爽．


真係好珍惜成家人一齊去玩呀，對上一次應該係同埋嫲嫲返大陸玩囉；人生真係充滿著好多無未知之數同埋無奈，我地現在這一刻要做既真係好好珍惜我地擁有既人同事．