Happy Weekend

今個星期好滿足呀，因為可以坐得舒舒服服咁食個Lunch，然後行下我最鐘意既市集，好有旅遊feel既weekend呀！

話說講左好耐都無去既赤柱，終於可以出發啦，係毫無準備之下，起身就話去囉喎，因為怕多人咁咪一早就出發囉，早餐都係買兩個麵包上小巴食，勁有小學旅行feel呀．．．haha.
去都都已經曬到不得了，不過經過上星期去過寶蓮寺之後，已經唔怕曬囉，因為已經曬到黑晒lu．可能以前拍拖成日去啦，去親都好有親切感：i like Stanley！

係車係左麵包又唔記得買野飲，小比係車已經係咁叫：要買d野飲呀．一落車見到Watson又提多你一次，我話無野啱你飲呀，佢又提多你一次：要買d野飲呀．唯有去百街買囉，因為已經好多一天遊既人係度買野，所以都無心機行咁大間百街囉，買完就走．點知比佢見到間"卜卜店"，又入去攪左一大輪，不過歌間野真係好多書啱佢睇，今日唔想行書店呀，下次再黎過啦！

然後就去左搵食啦，唔知爸爸點解今日唔做慳仔，肯入美利樓搵食喎，仲去左間德國餐廳食lunch buffet添，我緊係開心啦，坐得舒服之餘又有野啱我食，間唔中豪爽下真係爽呀！食飽就行市集啦，主要都係睇小朋友衫囉，大家人真係唔太啱．

赤柱果然係我喜歡既地方，有間體育館（小比開大都係體育館既殘厠攪掂，設備一流，厠所超乾淨）；仲有一間圖書館，我行市集時，爸爸就同佢係圖書館睇卜卜，小比仲參加左個Story Time，老師送左個貼紙比佢不知幾開心呀！

最可惜呀，無帶相機呀！一幅靚相都無呀！都好，有個藉口比我可以去多次！！